2 Reyes 13:4 - Qullan Arunaka DC

⁴ Ukat Joacaz reyix Tatitur mayïna, Tatitusti mayisitap ist'änwa, kunjäm jan waltix Siria markankir reyix israelitanakar t'aqhisiykän ukanak uñjatap layku.

Aymar Bibliia 1986

⁴ Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

Qullan Arunaca

⁴ Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

2 Reyes 13:4 Jak'a apnaqawi uñst'ayäwi

Génesis 21:17

Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa.

Génesis 31:42

Janitix Abrahaman Diosapaxa, Isaac awkixax yupaychkäna uka Tatitux nayampïkasapäna ukaxa, jumax jan kunani ukhampachaki khithanukutasamänxa. Ukampis Tatitux t'aqhisitaxsa, irnaqataxsa uñjiwa, ukat wasayp'ux jumar tuqinuqtamxa —sasa.

2 Reyes 13:22

Joacaz reyin marka apnaqäwi urunakapanxa, Siria markankir Hazael reyix israelitanakar walpun t'aqhisiyäna.

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

2 Reyes 14:26

Tatitusti israelitanakan wali t'aqhisiñankatapat amuyäna, uka t'aqhisiñanakatsti janiw khitis jaltkänti, Israelar yanapt'irix jani khitisa utjatapa uka layku.

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

Esdras 8:23

Ukhamasti ayuno lurapxta, taqi ukanakat nanakar imañapatakiw Tatitur achikt'asipxta, jupasti ist'apxituwa.

Job 22:27

Jupax mayisitanakam ist'ätam, jumasti arsutanakam phuqharakïta.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 78:34

Diosax jupanakar mutuykäna ukapachakiw juparux thaqhapxäna, jank'akiw Diosar makhatxañatakix thaqhapxäna;

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Éxodo 3:9

Israelitanakan arnaqasitanakap ist'ta, kunjämtix egipcionakax jupanakar t'aqhisiyki ukanaksa uñjaraktwa.

Isaías 26:16

Tatay, kunapachatix mutuyapkista ukkhaxa, usuchapkchista ukkhasa, jumarukiw makhatanipxsma.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 33:3

Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Números 21:7

Ukat jaqinakax Moisesan ukar sarasin jupar sapxäna: —¡Tatitumpitaki jumampitak arusisax jucha lurapxta! ¡Jumay Tatitur mayim aka katarinak apanukuñapataki! —sasa. Moisesasti israelitanakar juchapat pampachañapatakiw Tatitur mayïna,

Jueces 10:10

Ukat israelitanakax yanap mayisin Tatitur art'asipxäna, akham sasa: “Nanakan Diosaxay, juma nayraqatan juch lurapxta, k'ari diosanakar yupaychatanakax laykuw jumar apanukupxsma” sasa.