2 Pedro 2:15 - Qullan Arunaca

¹⁵ Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

Aymar Bibliia 1986

¹⁵ Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

Qullan Arunaka DC

¹⁵ Chiqpach thakhit saranukupxi, chhaqhañ thakhin sarnaqapxi. Beor chachan Balaam yuqapan lurataparuw arkapxi, khititix ñanqha luras walja qullqi jikxatañ munkäna ukaru,

2 Pedro 2:15 Jak'a apnaqawi uñst'ayäwi

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

Nehemías 13:2

jan jupanacan israelitanacaru catokeri mistunipjjatapata mank'añampi, umañampiraqui, jan ucasti jupanacajj Balaam chacharuwa pagapjjäna israelitanaca toke maldición arunaca arsuñapataqui, ucampis Diosasajj uca maldicionjja bendicionaruw tucuyäna.

Proverbios 28:4

Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Ezequiel 9:10

Jichhasti janipuniw jupanacatjja qhuyapt'ayascäti, jan ucasti luratanacapatjja wayt'apuniraquïwa” sasa.

Oseas 14:8

Efrainasti saraquiniwa: “Cunäpas jichhajj c'ari diosanacajja” sasa. ¡Nayaw uñjasta, imasiracta marcajjarojja! Nayajj mä pino kokjama ch'ojjñaquipunïsctwa, nayanwa marcajjajj achupjja jicjjataraquini.”

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Números 22:23

Cunapachatejj asnojj Tatitun angelapa uñjcäna chica thaquir sayantata, mä espada ayt'asita, ucqhajj asnojj maysaruw thaquitjja saranucüna, yakha tokenjam sarasa, ucampis Balaamajj wal asnorojj jawk'jäna thaquiru cuttayaniñataquejja.

Números 22:28

Ucapachaw Tatitu Diosajj kachu asnorojj parlayäna, asnosti Balaamarojj sänwa: —¿Cunsa nayajj camachsma? Acampejj quimsa cutiw nayarojj jawk'jista —sasa.

Números 22:32

Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Números 31:16

Jupanacapï israelitanacarojj Tatitu contra sartayapjjänjja, Balaaman arunacapatjja, uqhamarac Baal-peor diosarus yupaychayapjjänjja. Ucatwa Tatitojj marcaparojj plaganacampi mutuyänjja.

Mateo 26:9

Acajj walja kollkeruw aljasisapäna, ucampisti pobrenacar yanapt'atäsapänwa —sasa.

Hechos 1:18

Jupasti ñankha luratapatjja kollke catokäna. Uca kollkempisti mä orak aläna. Ucatsti jupajj jaychcatasisaw p'eket cayuni jalaktasajja, puracas phallata uñjasïna, jiphillanacas allstata.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

2 Pedro 2:13

wali t'akhesisa mayninacar t'akhesiyapjjatapata. Mä juc'a cusisisajja wali c'uchiquïpcaspas uqhamwa amuyasipjje. Mä p'enka jan waliraquiw jupanacan luratanacapajja. Jumanacampi chica ucanccasinsti cusisipjjaraquiwa jan wali luratanacapampi.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 2:14

Ucampis juma tokejj mä kawkha arunaca sañajjaw utjitu. Jumanac taypinjja Balaam sat jaken jan wali yatichäwinacap jan apanucuñ munirinacaw utjasqui. Uca Balaam jakejj Balac chacharuw amtayäna israelit jakenacaru juchar puriyañataqui, yakha diosanacar loktatäquis ucanac mank'ayasa, uqhamarac uca c'ari diosa nayrakatanjja wachoka jucha lurayasa.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.