2 Pedro 2:15 - Qullan Arunaka DC

¹⁵ Chiqpach thakhit saranukupxi, chhaqhañ thakhin sarnaqapxi. Beor chachan Balaam yuqapan lurataparuw arkapxi, khititix ñanqha luras walja qullqi jikxatañ munkäna ukaru,

Aymar Bibliia 1986

¹⁵ Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

Qullan Arunaca

¹⁵ Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

2 Pedro 2:15 Jak'a apnaqawi uñst'ayäwi

1 Reyes 18:18

Eliasasti sänwa: —Janiw nayäkti Israelar jan walt'ayirixa, jan ukasti, jumampi, jaqinakamampïpxtawa, Tatitun kamachi arunakap apanukusin Baal diosan uñtasitanakapar yupaychapxatam layku.

1 Reyes 19:10

Jupasti sänwa: “Nayan jumar jaysataxaw walpun llakisiyitu, jumax taqi ch'aman Dios Tatitütawa. Israelitanakax jumampi lurat arust'äwi apanukupxi, altaranakamsa allinukupxiwa, profetanakamarusti jiwarayapxarakiwa. Naya sapakiw qhiparxta, jichhasti jiwayañatakiw thaqhasipkitu” sasa.

Nehemías 13:2

Uka jaqinakasti mä kutix, janiw manq'añsa, umañsa israelitanakar churapkataynati, jan ukasti jupanakax Balaam chacharuw israelitanakar ñanqhachañ arunak arsuñapatak qullq churapxatayna. Ukampis Tatitusax uka ñanqhachañ arunak aski arunakaruw tukuyäna.

Proverbios 28:4

Kamachi arunak apanukurinakax, ñanqha lurir jaqiruw jach'achapxi; kamachi arunakarjam phuqhirinakasti, ñanqha lurir jaqitakiw sayt'asipxi.

Ezequiel 9:10

Jichhasti jupanakat janipuniw khuyapt'ayaskäti, jan ukasti, luratanakapat wayt'askakipunïwa” sasa.

Oseas 14:8

8 (9) Israelitanakasti sarakiniwa: ‘Kunäskpas jichhax yaqha diosanakaxa’ sasa. ¡Nayaw uñjasta, markaxarus imasirakta! Nayax pino quqjam ch'uxñakipunïsktwa, markaxax nayanwa achup jikxatarakini.”

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 22:23

Qachu asnosti Tatitun angelapar espadas ayt'asit chika thakhin sayt'at uñjasaxa, thakhit maysaruw saranuküna, yaqha tuqinjam sarasa; ukampis Balaamax wal asnorux jawq'jäna, thakhir kuttayaniñataki.

Números 22:28

Ukapachaw Tatitux qachu asnor parlayäna, asnosti Balaamarux sänwa: —¿Kunarak jumar kamächsmasti? Akampix kimsa kutiw nayar jawq'jista —sasa.

Números 22:32

Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

Números 31:16

Uka warminakaw Balaaman jan wali amuyt'ayatax, israelitanakar iyawsayasin Tatitut saraqayapxäna, Baal-peor diosar yupaychayasa. Ukat Tatitux mä jan wali usumpi markapar mutuyäna.

Mateo 26:9

Ukax walja qullqiruw aljasisapäna, ukampisti t'aqhin jakirinakar yanapt'atäsapänwa —sasa.

Hechos 1:18

Jupax ñanqha luratapat qullqi katuqäna, uka qullqimpisti mä uraq aläna; ukatsti jupax p'iqit kayuni jalaqtasaw, purakas phallata, jiphillanakas allstat uñjasïna.

Hechos 13:10

juparusti sarakïnwa: —¡K'ari ñanqha jaqi, sallqjañampi, jan walimpi, phuqhantat supayan wawapa, chiqa kankañ uñisir jaqi! ¿Kunatarak Tatitun suma chiqa thakhip q'iwiptayañ munaskaktasti?

2 Pedro 2:13

Mayninakar t'aqhisiyapxatapat jupanakax t'aqhisipxani, urpach ukham lurasax kusisitäpkaspas ukham amuyasipxi. ¡Mä p'inqa jan walipuniw jupanakan luratanakapaxa, kunapachatix jumanakamp chika uka suma phunchhäwinakaman jikxatasipki ukkhaxa!

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.