2 Pedro 2:16 - Qullan Arunaca

¹⁶ Ucatsti uca luratapatjja mä kachu asnomp tokenokataw jupajj uñjasïna, uca asnosti juparojj jakjamaw parljjayäna, uqhamataracwa lokhe cancañapjja jan luraycänti.

Aymar Bibliia 1986

¹⁶ Ucatsti uca luratapatjja mä kachu asnomp tokenokataw jupajj uñjasïna, uca asnosti juparojj jakjamaw parljjayäna, uqhamataracwa lokhe cancañapjja jan luraycänti.

Qullan Arunaka DC

¹⁶ jucha luratapatsti, mä qachu asnomp tuqinuqataw uñjasïna, uka asnosti juparux jaqjamaw parlxayäna, ukhamat luqhi kankañap jan luraykänti.

2 Pedro 2:16 Jak'a apnaqawi uñst'ayäwi

Salmos 39:11

Jumaw jakerojj juchapat mutuyasajj chekachtajja; thuthar uñtataw yänacap thuthanoktajja: jakejj mä samsump sasiquiwa.

Eclesiastés 7:25

Nayajj yatjjatañaruw uchasta, ucanacsti suma yatjjatañaruraqui, uqhamat cuna asquïcataynatï uca jicjjatañataqui. Ucatsti amuyastwa pisi amuyt'anïñajja jan walïtapa, uqhamarac jan wali sarnakañajja lokhe cancañätapa.

Eclesiastés 9:3

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Lucas 16:11

Uqhamasti jumanacatejj aca jucharar oraken yänacapan jan chekapäpcsta ucajja, ¿qhitirac chekpacha yänacsti churapjjätamsti?

Hechos 26:11

Walja cutiraquiw nayajj jupanacarojj jawk'jayta, Tatitur iyawsäwipat cutektapjjañapataqui. Acsti take sinagoganacanwa lurirïyäta. Jupanacataquisti wali coleratapunïyätwa. Ucatwa yakha marcanacarus caturir sararaquirïyätjja.