2 Pedro 2:1 - Qullan Arunaca

¹ Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

Aymar Bibliia 1986

¹ Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

Qullan Arunaka DC

¹ Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.

2 Pedro 2:1 Jak'a apnaqawi uñst'ayäwi

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Éxodo 15:16

Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Isaías 9:15

(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)

Jeremías 29:21

“Colaías jaken yokapa Acab toketjja, Maasías jaken Sedequías yokapampitjja, Israelan Diosapa take ch'amani Tatitojj aqham siwa: ‘Qhitinacatejj jumanacaru, Tatitun sutipjjaru c'ari arunaca parljjayapjjtam, jupanacarojj Babilonia orakenquiri Nabucodonosor reyin amparaparuw catuyaraquï; uca reyisti jumanacan uñjcataraquiw pachpa jumanac nayrakatan jupanacarojj jiwarayani.

Jeremías 37:19

¿Cawquincaraqui jichhasti uca profetanacasti, qhitinacatejj parlapcäna ‘Babilonianquir reyejj janiw jumanacarusa ni aca marcarusa nuwiri jutcaniti sapcäna ucanacasti?’

Jeremías 6:13

“Takenisa, jisc'as jach'asa, lunthatasiñampi jicjjatañatacwa lup'isipquejja; profetanacasa, sacerdotenacasa, takeniw lunthatasiñaru catuyasipjje.

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Oseas 9:8

Diosasti profetaparojj Efrainar uñjañapataquiw uscusi, ucampis jumanacajj sarnakañanacaparojj sipitanac uscupjjtajja; Diosan templopansa uñisisipcactawa.

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 3:5

“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 10:33

Ucampis qhitinacatejj jakenac nayrakatanjja nayar jan uñt'iri tucunejja, nayasti janiraquiw uñt'cäti alajjpachanquir Awquejjan nayrakatapanjja.

Mateo 24:11

Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.

Mateo 24:24

Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 24:5

Waljaniraquiw nayan sutejjanjja jutani: ‘Nayätwa Cristojja’ sasa, jupanacasti waljaniruraquiw c'arintapjjani.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Marcos 13:22

C'ari cristonacampi, c'ari profetanacampiw sartani. Ucatsti unañchanacamp, muspharcañanacamp lurapjjani, jakenacar pantjayañataqui. Waquisin ucqhajj Diosan ajllitanacaparus pantasiyañ munapjjani.

Lucas 12:9

Ucampis jakenaca nayrakatan jan uñt'ir tucupquitu ucanacarojj Diosan angelanacap nayrakatanjj jan uñt'iriw tucuraquëjja.

Lucas 21:8

Jesusasti sänwa: —Amuyasipjjam, jan sallkjayasipjjamti. Waljaniw sutejjana jutapjjani: ‘Nayätwa Cristojja’ uqhamarac ‘Jichhaw tiempojj’ sasa. Ucampis jan ucanacarojj arcapjjamti.

Lucas 6:26

“¡Ay, camachapcaquïta jumanaca, cunapachatï takenis jumanacata ‘Waliquiw’ sapcani ucapacha! Uqhamaracwa awquinacapajj c'ari profetanacarojj lurapjjerïna.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

1 Corintios 11:19

¡Jumanacanjj waquisiwa jaljta jaljta sarnakapjjañamajja, uqhamat yatiñataqui qhitis chekpach Cristor arquirejj uca!

1 Corintios 6:20

jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

1 Corintios 7:23

Diosaw jumanacarojj jila alampi alasipjjtam. Janipun jakenacan esclavopajj tucupjjamti.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Gálatas 4:17

Uca jakenacajja jumanacat wali amtapjjejja, ucampis jan wali amtäwinïpjjewa. Jupanacajj nanacat t'akactañanacamwa munapjje, uqhamat jupanacar arcapjjañamataqui.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Efesios 1:7

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Deuteronomio 32:6

¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Tito 1:11

Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Tito 3:10

Maynitejj iglesian jan walt'aycchi jaljtayasa, ucarojj mä pä cuti ewjjt'am, ucattejj jan ist'ätam ucqhajja, ankar jakonucjjam.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

2 Pedro 2:3

Kollker sinti chuyma churatäpjjatap laycojja c'ari yatichäwinacampejj jumanacatjja k'alwa take cunsa apsupjjätam, ucampis jupanacarojj t'unjatäñaquiw suyt'jje, nayratpacha juchañchatäpjjaraquiwa.

1 Juan 2:26

Aca kellkanipjjsmaw qhitinacatejj jumanacar pantjasiyañ munapjjtam ucjjata.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.

Apocalipsis 2:9

‘Take luräwinacamjja nayajj yattwa, t'akhesitamsa, jan cunanïtamsa yatiractwa, ucampis janiw jan cunanïcapuntati jan ucasti kamirïsctawa. ‘Judiöpjjtwa’ siri jakenacan juma toke parlatapsa yatiractwa, ucampis janiw jupanacajj judiöpquiti jan ucasti Supayan tamapancasipquiwa.

Apocalipsis 3:8

‘Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.