2 Pedro 2:1 - Qullan Arunaka DC

¹ Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.

Aymar Bibliia 1986

¹ Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

Qullan Arunaca

¹ Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

2 Pedro 2:1 Jak'a apnaqawi uñst'ayäwi

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Isaías 9:15

15 (14) P'iqix jilïri irpir jaqinakaruw uñtasi, wich'inkhasti k'ari yatichir profetanakaruw uñtasiraki.

Jeremías 29:21

“Colaías jaqin Acab yuqapata, Maasías jaqin Sedequías yuqapampitxa, khitinakatix jumanakaru, Tatitun sutipxar k'ari arunak parlxayapxtam ukanakarux, Israelan Diosapa taqi ch'aman Tatitux akham siwa: ‘Nayaw jupanakarux Babilonia uraqinkir Nabucodonosor reyin amparapar katuyarakï; uka reyisti jumanakan uñjkañaw jumanak nayraqatan jupanakar jiwarayani.

Jeremías 37:19

¿Kawkinkarak uka profetanakasti, khitinakatix parlapkäna Babiloniankir reyix janiw jumanakarusa, aka markarusa nuwantir jutkaniti sapkäna ukanakasti?

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Lamentaciones 2:14

Kuna unañchäwinaktix profetanakamax yatiykäyätam ukanakax k'arikamakïnwa. Juchanakam janiw qhanañchapkäyätamti, ukhamat juman kuttanxañamataki, k'ari unañchäwinak jumarux yatiyapxäyätam, ukanakarusti jumax iyawsarakïyätawa.

Oseas 9:8

Tatitusti profetaparux Israel markar uñjañapatakiw uskusi, ukampis jumanakax sarnaqäwinakaparux sipitanak uskupxtaxa; Tatitun utapansa uñisisipkaktawa.

Miqueas 2:11

Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Miqueas 3:5

Profetanakan sallqjatap laykusti, markaxax pantjat thakhinakanjam saraski, khitinakatix jupanakar manq'ayki ukanakaruxa, uka profetanakax suman sarnaqasiñ yatiyi, manq'añ jan churki ukanakarusti “nuwantasiñäni” sapxarakiwa. Tatitusti uka profetanakarux siwa:

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Mateo 10:33

ukampis khititix jaqinak nayraqatan nayar jan uñt'ir tukunixa, nayasti janirakiw alaxpachankir Awkixan nayraqatapan jupar uñt'ir tukkäti.

Mateo 24:11

Walja k'ari profetanakaw sartani, jupanakasti waljaniruw sallqjapxani.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 24:5

Waljaniw nayan sutixar jutapxani: “Nayätwa Cristoxa” sasa, jupanakasti waljaniruw k'arintapxani.

Mateo 7:15

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

Lucas 12:9

ukampis khititix jaqinak nayraqatan nayar jan uñt'ir tukki ukanakarux, Diosan angelanakap nayraqatan jan uñt'iriw tukurakï.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Lucas 6:26

“¡Ay, kunakïpkäta, kunapachatix taqinis jumanakar jach'achapkätam ukapachaxa, nayra awkinakapax uka pachparak k'ari profetanakar lurapxäna!

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

1 Corintios 11:19

¡Jumanak taypin t'aqanuqtañanak utjañapax wakisiwa, ukhamat yatiñataki khitis chiqpach Cristor arkirix uka!

1 Corintios 6:20

Diosaw jumanakarux alasipxtam. Ukat jumanakax janchiman Diosarux waqaychapxañama.

1 Corintios 7:23

Diosaw jumanakarux alasipxtam; janiy yaqha jaqinakan uywataparux tukupxamti.

Gálatas 2:4

Ukampis yaqhip k'ari jilatanakaw nanak taypir jamasat mantanitayna, Jesucristo tuqi qhispiyatäpktsa uk nanakar uñaqiri, ukat wasitampi judionakan kamachinakapar jaysapxañaxataki.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Gálatas 4:17

Judío kamachirjam phuqhapxañam wayt'ir jaqinakax, jumanakat wali amtapxi, ukampis amtäwinakapax janiw walïkiti. Jupanakax nanakat t'aqaqtapxañam munapxtam, ukhamat jupanakar makhatapxañamataki.

Gálatas 5:20

idolonakar yupaychañanaka, layqasiñanaka, uñisisiñanaka, ch'axwanakan sarnaqañanaka, jan wali amtañanaka, phiñasiñanaka, jupatakik munañanaka, t'aqaqtañanaka, yaqhachasiñanaka,

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Deuteronomio 32:6

¿Akhamti Diosar yuspagarapxta? Pisi chuyma, jan yatiñan jaqinaka, ¿janit jupasti awkimäki, janit juman irnuqirimäkisti? ¡Jupaw irnuqtam, jupaw jakañsa churaraktam!

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:8

Wal amuyasipxam: jan khitis sallqa arunakampi, jaqin amuyuparjam k'ari amuyunakampi, jumanakar sallqantpati, jupanakasti janiw Tatitur jaysapkiti, jan ukasti jaqinakan sarnaqäwiparu, amtäwiparukiw jaysapxi.

1 Timoteo 5:8

Maynitix jupankirinakar jan sum uñjkchi, janirak utapankirinakatsa llakiskchixa, iyawsäwip apanuku, ukham lurasasti, jan iyawsirinakat sipan juk'ampiruw tuku.

2 Timoteo 4:3

Jaqinakax, aski yatichäwir jan ist'añ munapkan uka urux purininiwa; jupanakax munañaparjamakiw kunayman yatichirinak thaqhasipxani; kunjämtix jupanakax yatichayasiñ munapkan uk ist'añatakiki.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Tito 3:10

Maynitix iglesian t'aqanuqtañanak utjaychi ukaxa, juparux mä pä kuti iwxt'am, ukattix jan ist'kätam ukkhasti, iglesiat jaqunukxam,

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

1 Pedro 1:8

Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.

1 Juan 2:26

Khitinakatix jumanakar pantjasiyañ munapxtam ukanakxat qillqanipxsma.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.

Judas 1:18

sapkäyätam ukanakat amtasipxam: “Qhipa urunakanxa, Tatitut larusir jaqinakaw utjani, jupanakasti jan wali amtäwinakaparjamaw jakapxani” sasa.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

Apocalipsis 3:8

Nayax taqi luratanakam yatta; uñtam, nayraqataman nayaw punku jist'ararapsma, uksti janiw khitis jist'antkaspati, jumax pisi ch'amäksta ukasa, arunakax ist'istawa, janirakiw kunapachas jan uñt'ir tukkistati.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.