2 Corintios 7:11 - Qullan Arunaca

¹¹ Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

Aymar Bibliia 1986

¹¹ Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

Qullan Arunaka DC

¹¹ Jumanakan llakisitamax Diosan munañaparjamänwa, ¡kunanaktix utjayki uk uñjapxam! Jumanakarux wal amuytatayapxtam, ukatsti nayar arxatañ chuym churapxtam; q'apisiyapxtamwa, axsarañ chuyma utjayapxaraktam. Ukatsti nayar uñjañ munapxarakïyätaxa, nayat arxatasisasti juchanirux mutuyapxtawa. Taqi ukanakampisti jumanakan jan kuna juchanïpxatam uñacht'ayi.

2 Corintios 7:11 Jak'a apnaqawi uñst'ayäwi

Nehemías 13:25

Ucatsti jupanacarojj tokenokaraquictwa, uqhamarac maldiciractwa. Yakhepanacarusti nuwjtwa, uqhamarac ñic'utanacapsa jiq'iraractwa, ucatsti wayt'aractwa Dios laycu juramento lurapjjañapataqui janipuni casarapjjañapataqui yokanacaparusa ni phuchhanacaparusa yakha marcat jutir jakenacampi, ni iyawsapjjañapäquisa yokanacapan warminacapataquejja, ni jupanac pachpa yokanacapataquis iyawsapjjañapäquiti jupanacan phuchanacapa. Ucjjarusti saractwa:

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Salmos 119:139

Arunacamar munañaw take cun armayitu, uñisirinacajjajj arunacamat armt'asipjje.

Salmos 130:6

Nayajj Tatituruw suyt'ascta, khanjtaniñap uñch'uquir jaket juc'ampi.

Salmos 145:19

Jupar arquirinacan munataparjamaw phokhe, arnakasitanacap ist'i, khespiyaraqui.

Salmos 2:11

Tatiturojj ajjsart'añamp loktapjjam, qhathatiñamp jupan nayrakatapan alt'apjjam, jupan jan k'apisiñapataqui, thaquin jan aynacht'apjjañamataqui, Tatitun k'apisiñapan mäc ch'alljjtirïtap laycu. ¡Jupamp arjjatayasirinacajj cusisiñanïpjjewa!

Salmos 35:13

Nayajj jupanacar usuntir uñjasajja, walpun llaquisïyäta, qhanqha isimpiw isthapisïyäta, janiw mank'cäyätsa, chuyma mankhejjansti, janiw Diosat mayirapiñ karjascäyätti.

Salmos 38:9

Tatitojjay, jumaw takpach amtatanacajjar uñt'tajja, janiw aykotanacajjajj jumatac imantasquiti;

Salmos 42:1

Diosajjay, cunjämatejj tarujajj umat pharjatajj jalquir um thakquejja, uqhamaw almajjajj jumar thaktam.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Proverbios 14:16

Yatiñan jakejj jan walirojja ajjsariwa, ucatsti jithektaraquiwa, ucampis jan yatiñan jakejj ch'amaparuquiw alcati.

Proverbios 28:14

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Cantar de los cantares 8:6

¡Nayarojj chuymamar kellkantasita, uqhamarac amparamar kellkantasita! Munasiñasti jiwañar uñtata jan p'acjcayawa; jumar munañasti jiwañar uñtata jan camachcayawa. ¡Munasiñasti ninar uñtatawa akaraqui, ucasti kollana ninawa!

Isaías 26:8

Nanacas waliquiraquiw jicjjatasisipcta juman leyinacamarjam sarnakasajj, Tata; chuymanacajjasti jumatacracwa lup'iñ munasqui.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Daniel (hebreo) 6:14

Reyisti uc ist'asajj wali llact'asïna, ucatsti Daniel chacharojj cunjämatsa khespiyañwa thakaraquïna. Jayp'ucama, inti jalantañapcamaraquiw reyejj ch'amachasïna Daniel chacharu cunjämat khespiyañsa,

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Juan 2:17

Discipulonacapajj uc ist'asinjja amtapjjänwa Kellkatan aqham siri: “Utamar munañaw tucuntitu” —sasa.

Hechos 17:16

Atenas marcana Pablojj Silasampiru Timoteompiru suycasinjja, wali mayjt'ataw jicjjatasïna, marcan walja yakha diosanac phokhantat uñjasina.

Romanos 11:20

Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

Romanos 3:5

Ucampis jiwasan jan wali luratanacasatejj asquïchejja Diosan asqui cancañap uñacht'ayañataquejja, ¿camsañänisa? ¿Diosajj jan waliti jiwasanacar juchanacas laycu mutuyatapajja? (Acanacjja mä jakjamaquiw parlta.)

1 Corintios 12:25

uqhamata cuerposanjja jan jaljtañanacajja utjascañapataqui, jan ucasti cuerposanjja maynis maynita llaquiñapataqui.

1 Corintios 5:2

Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.

2 Corintios 13:7

Diosatjj mayipjjaractwa jan jumanacan cuna jan walinacsa lurapjjañamataqui janiw nanacan asqui tucupjjañajjataquiti jan ucasti jumanacan asqui lurapjjañamataquiwa, janis nanacajj suma aytatäpcä ucasa.

2 Corintios 2:6

Cuna mutuyäwtï uca jakeru jumanacajj tantachasïwiman churapcta ucajj phokhataquiwa.

2 Corintios 6:4

Ucat sipansti takenirus uñacht'ayañ munapjjta chekpachansa nanacajj Diosar sirvirinacäpjjatajja, wali llamp'u chuymampiw t'akhesipjjta, pist'ayasiñanacansa, jan walt'añanacansa.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

2 Corintios 7:7

Janiw purinitapampiquiti, jan ucasti jupajj jumanacatjja wali cusisitänwa. Jupasti yatiyapjjaraquituwa kawctï jumanacajj nanacar uñjañ munapquista ucjjatjja, nanacat llaquisipjjatamatsa yatiyapjjaraquituwa; take ucanac yatisinjja nayajj wal cusista.

2 Corintios 7:9

Jichhasti cusistwa, janiw llaquisitanacamatti jan ucasti uqham llaquisisin arrepientisipjjatamatwa cusistjja. Jumanacajj Diosar cusisiyañcamaw llaquisipjjäyätajja, nanacasti ucatjja janiw cuna ñankhsa lurapcsmati.

Efesios 4:26

Colerasisinjja jan juch lurapjjamti, uca colerasiñanacamajj jan jornalpachäpati.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

Filipenses 2:12

Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam.

1 Tesalonicenses 4:6

Aca luräwinjja jan qhitis jilapar sallkjpati, Tatitojj walwa mutuyi aca luräwinacatjja, cunjämtejj ewjjt'apjjsma uqhama.

1 Timoteo 5:20

Ucampis qhitinacatejj juch lurasipcaqui ucanacarojj takenin nayrakatapan ewjjt'awayam, mayninacajj uc ist'asin ajjsarapjjañapataqui.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 4:1

Uqhamasti, Diosampi samarir mantañatac arsüwejj jiwasatac utjquipanjja amuyasirïñasawa, ucatarac jumanacat cawquïris jan mantcaspati.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Pedro 1:17

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.

1 Pedro 2:2

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

Judas 1:23

Mayninacarojj khespiyapjjam ninat waysusa; mayninacatjja qhuyapayasipjjaraquim, ucampis amuyasisa uqhamarac ajjsart'asa, jan wali luräwinacapata k'añuchat isinacapatsa.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.