2 Corintios 7:10 - Qullan Arunaca

¹⁰ Diosar cusisiyquir llaquisitanacasajj Tatituruw cutiquipstayistu, ucatsti khespiyaraquistuwa, janiw llaquisiñasäquiti. Ucampis jan Diosatacjama llaquisitasasti jiwañaruw aparaqui.

Aymar Bibliia 1986

¹⁰ Diosar cusisiyquir llaquisitanacasajj Tatituruw cutiquipstayistu, ucatsti khespiyaraquistuwa, janiw llaquisiñasäquiti. Ucampis jan Diosatacjama llaquisitasasti jiwañaruw aparaqui.

Qullan Arunaka DC

¹⁰ Diosan munañaparjam llakisiñax qhispiyasiñ utjayi, janiw kunat llakisiñas utjkiti. Ukampis akapachan llakisiñapax jiwañ utjayi.

2 Corintios 7:10 Jak'a apnaqawi uñst'ayäwi

Génesis 30:1

Raquelasti Jacobotac jan wawanïñ puedisasti, cullacapatjja envidiasïnwa, chachaparusti saraquïnwa: —Wawaniptayita, jan ucasti nayajj jiwjjäwa —sasa.

2 Samuel 12:13

Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.

2 Samuel 13:4

Ucatwa Jonadab jakejj jisct'äna Amnón jakerojja: —¿Cunas camachtam, jach'a jilïri? ¿Cunatsa uqham urut ururu juc'ampi aynacht'ata uñjasta? ¿Janit nayar yatiyquitasma? —sasa. Amnón jakesti saraquïnwa: —Absalón jilajjan Tamar cullacaparuw walipun munta —sasa.

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

1 Reyes 21:4

Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

Salmos 38:18

Take juchanacajj arsusta, ucanacaw walpun t'akhesiyitu.

Proverbios 15:13

Cusisit chuyman jakesti ajanupanjja cusisitaraquiwa; llaquit chuyman jakesti llaquita ajanuniwa.

Proverbios 15:15

Qhititejj llaquitäqui ucataquejj take urunacasa jan walicamaquiwa; qhititejj cusisitäqui ucataquisti jan tucusquiri cusisiñawa.

Proverbios 17:22

Cusisit chuymajj jaken jacañapwa sumaptayi, ucampis llaquisit chuymajj jan ch'aman tucuyi.

Proverbios 18:14

Usutarojj ch'am catjjatatapawa wayjjäsi, ucampis ch'am thayjtatarusti, ¿qhitirac wayjjäsispasti?

Eclesiastés 7:3

Laruñata sipana jachañaw juc'amp asquejja, ajanurojj janis wal lurcchini, ucampis chuymarojj ascwa luri.

Jeremías 31:9

Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Jonás 3:8

Ucatsipana, takenis chhanqha isinacampi isintasipjjpan, take ch'amapampi Diosat art'asipjjpan, sapa maynirac jan wali sarnakäwipjja jaytjjapjjpan, jan walinac luras sarnakcchi ucanacasa.

Jonás 4:9

Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? — sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.

Mateo 26:75

Pedrosti ucqhaquiwa amtasïna Jesusajj cunjämtejj siscatayna ucata: “Janïr wallpa art'quipanwa quimsa cuti nayarojj jan uñt'iri tucüta” sasa. Ucat mistusinjja Pedrojj wal jachäna.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”

Lucas 18:13

Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Hechos 11:18

Ucanac ist'asinsti Jerusalenanquir jilatanacajj amuct'apjjewa. Diosarusti aqham sasaw yupaychapjjaraquïna: —Uqhamajj jan judiöpquis uca jakenacarojj Diosajj arrepientisiñjj churaraquiwa wiñay jacañanïpjjañapataqui —sasa.

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

2 Corintios 12:21

Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.

2 Corintios 7:9

Jichhasti cusistwa, janiw llaquisitanacamatti jan ucasti uqham llaquisisin arrepientisipjjatamatwa cusistjja. Jumanacajj Diosar cusisiyañcamaw llaquisipjjäyätajja, nanacasti ucatjja janiw cuna ñankhsa lurapcsmati.

Hebreos 12:17

Yatipjjaractaw cunapachatejj Esaú chachajj bendición awquipat catokañ munäna ucapachajja, janiw churatäcänti, wali jachatapampis janiw cutsuycänti uca luratapatjja.

1 Samuel 30:6

Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.