2 Corintios 7:11 - Qullan Arunaka DC

¹¹ Jumanakan llakisitamax Diosan munañaparjamänwa, ¡kunanaktix utjayki uk uñjapxam! Jumanakarux wal amuytatayapxtam, ukatsti nayar arxatañ chuym churapxtam; q'apisiyapxtamwa, axsarañ chuyma utjayapxaraktam. Ukatsti nayar uñjañ munapxarakïyätaxa, nayat arxatasisasti juchanirux mutuyapxtawa. Taqi ukanakampisti jumanakan jan kuna juchanïpxatam uñacht'ayi.

Aymar Bibliia 1986

¹¹ Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

Qullan Arunaca

¹¹ Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

2 Corintios 7:11 Jak'a apnaqawi uñst'ayäwi

Nehemías 13:25

Ukat jupanakar tuqinuqta, ñanqhacharakta. Yaqhipanakarusti nuwjtwa, ñik'utanakap jik'irarakta, ukatsti Tatit layku juramento lurañapatakiw wayt'arakta, jupanakasa, yuqanakapasa, phuchhanakapas janipun yaqha markat jutir jaqinakamp jaqichasiñapataki. Ukxarusti saskaktwa:

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Salmos 119:139

Arunakamar munañaw taqi kun armayitu, uñisirinakaxax arunakamat armt'asipxi.

Salmos 130:6

Nayax Tatituruw suyt'askta, qhanjtaniñap uñch'ukir jaqit juk'ampi. Kunjämtix marka uñjirinakax willjtaniñap uñch'ukixa,

Salmos 145:19

Jupar arkirinakan munataparjamaw phuqhi; arnaqasitanakap ist'i, qhispiyaraki.

Salmos 2:11

Tatiturux axsart'añampi yupaychapxam; jupan nayraqatapan khathatiñampi alt'asipxam, q'apisini ukapachasti, jiwarataw uñjasipxasma, Tatitun jank'aki q'apisirïtap layku. ¡Jupampi arxatayasirinakax kusisiñanïpxiwa!

Salmos 35:13

jupanakar usuntir uñjasaxa, walpun jupanakat llakisïyäta, khankha isimpi isthapisisaw ayuno luräyäta, chuyma manqhixansti, Tatituruw mayirapïyäta.

Salmos 38:9

9 (10) Tatay, jumaw taqpach amtatanakax uñt'taxa, ¡chuymaxan llakisitapas jumatakix qhanäskiwa!

Salmos 42:1

1 (2) Diosaxay, kunjämatix tarujax umat pharjatax jalkir uma thaqkixa, ukhamaw nayax jumar thaqsma.

Salmos 69:9

9 (10) Utamar munañax ninjamaw nakhitu; jumar tuqirinakan arunakapax, nayxarkamaw wakt'itu.

Proverbios 14:16

Yatiñan jaqix ñanqharux axsariwa, jithiqtarakiwa, pisi chuyma jaqisti ch'amaparukiw alkati.

Proverbios 28:14

Tatiturupun axsartir jaqix, kusisiñaniwa, chuyma qalarayasir jaqisti, jan walt'añaruw purini.

Cantar de los cantares 8:6

¡Chuymamar nay chimpuntasita, amparamar nay chimpuntasita! Munasiñax jiwañar uñtat jan t'unjkayawa; jumar munañasti amay imäwir uñtat jan kamachkayawa. ¡Munasiñasti ninar uñtataw aqaraki, ukasti qullan ninawa!

Isaías 26:8

Tatay, juman kamachinakarjam sarnaqasaxa, nanakax askin jikxatasipxta. Chuymanakaxasti jumatak lup'iñ munaski.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Daniel (hebreo) 6:14

14 (15) Uk ist'asasti reyix wal llakt'asïna, ukatsti Danielar kunjämatsa qhispiyaspa uk lup'irakïna. Inti jalantañapkamaw reyix ch'amachasïna Danielaru kuna tuqit qhispiyañsa,

Marcos 3:5

Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Juan 2:17

Yatiqirinakapasti Qillqatan siski uk amtapxäna: “Utamar munañaw ninjam nakhantitu” sasa.

Hechos 17:16

Pablox Atenas markan Silasampiru Timoteompir suykasinxa, wali mayjt'ataw jikxatasïna, markan walja idolonak phuqhantat uñjasa.

Romanos 11:20

Walikïskiwa, jupanakax jan iyawsañanïtap laykuw qhuchhuqatäpxäna, jumasti iyawsañanïtam laykukiw ukankasktaxa. Ukhamasti jan jach'a jach'a tukumti, jan ukasti axsart'añamax utjpan.

Romanos 14:18

Cristor ukham luqtirixa, Diosaruw kusisiyi, jaqinakansa askit uñt'atarakiwa.

Romanos 3:5

Ukampis jiwasan jan wali luratasatix Diosan askïtap jach'ar aptañatakïchixa, ¿kamsarakiñänisti? ¿Diosax aliqatak mutuyistu sañäniti? (Jaqinakan amuyuparjamakiw uk arsta.)

1 Corintios 12:25

ukhamat janchisan jan jaljtañanak utjaskañapataki, jan ukasti, janchisan utjki uka chiqanakax maynit maynikam yanapt'asipxañapataki.

1 Corintios 5:2

¡Ukhamäkasinsa jumanakax jach'achasisipkaktawa! ¡Ukhamïpansti llakitäsipkañamawa! Ukham sarnaqir jaqix jumanak taypit alisnukutäñapawa.

2 Corintios 13:7

Diosat mayipxarakta, jumanakan jan kuna ñanqhsa lurasipkañamataki; ukasti janiw nanakan sumat uñt'ayasiñ laykükiti, jan ukasti jumanakan aski lurapxañamatakiwa, nanakar aynacht'atjam amuyapkitasma ukasa.

2 Corintios 2:6

Kuna mutuyäwtix uka jaqir jumanakax churapkta ukampix phuqhatakiwa.

2 Corintios 6:4

Ukat sipana, taqi kunan nanakax Diosan irnaqiripäpxatax uñacht'ayapxta, wali llamp'u chuymampiw t'aqhisipxta, pist'ayasiñanakana, jan walt'añanakansa.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

2 Corintios 7:7

janiw jupan purinitapampikiti, jan ukasti, jumanakat yatisaw chuymachasipxarakta. Jupasti nanakar uñjañ munapxatamat parlapxitu, nayat llakisipxatamat yatiyapxarakitu, taqi ukanak yatisax juk'ampiw kusista.

2 Corintios 7:9

jichhasti kusistwa; janiw llakisitanakamatti, jan ukasti uka llakisiñaw Diosarux irpkatapxtam. Uka llakisiñax Diosan munañaparjamänwa, ukhamasti nanakax janiw kuna jan walsa lurapksmati,

2 Corintios 9:2

jumanakan suma chuymanïpxatam niy uñt'xapxsmawa. Macedoniankir jilatanakarux kusisitaw arsta: “Acayankir jilatanakax maymäratpach jank'akïpxiw yanapt'asiñataki” sasa, ukatsti Macedoniankir jilatanakatxa waljaniw jumanakan suma chuymanïpxatam laykux yanapt'asiñ munapxaraki.

Efesios 4:26

Phiñasisinxa, jan juchachasipxamti; uka phiñasiñax jan jayp'ukamäpanti.

Efesios 5:11

Ch'amakankirinakan jan wali sarnaqäwipampix jan chikachasipxamti, jan ukasti, uka jan wali luräwinak qhanar apsupxam.

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.

1 Timoteo 5:20

Khitinakatix juch lurasipkak ukanakarusti, taqinin nayraqatapan tuqinuqam, mayninakan uk ist'asin axsarañapataki.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 4:1

Ukhamasti, Diosan samarañapar mantañatak arsüwi utjkipan wal amuyasiñasawa, inampis jumanakat kawkïris jan mantkaspa.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Pedro 1:17

Jumanakatix taqi jaqinakar luräwinakaparjam taripir chiqa Diosarux “Awki” sapxstaxa, jumanakax aka uraqin jakkasax Jupar axsart'as jakapxañamawa.

1 Pedro 2:2

Kamisatix asu wawax taykapan lechep thaqtasixa, ukhamarak jumanakax kunatix ajayumatak askïki uk thaqhapxam, ukhaman jiltapxañamataki qhispiyatäpxañamatakiraki,

Judas 1:23

Manqhapachar sarasipki ukanakarus kuttayanipxam, mayninakat khuyapt'asipxam, ukampis kuna jan walinaktix jupanakax lurapki ukanak jumanakax jan lurapxamti.

Apocalipsis 3:19

Khitinakarutix nayax munaskta ukanakarux tuqinuqtwa, chiqacharaktwa, amuyt'asimaya Tatitur kutikipstam.