1 Timoteo 2:8 - Qullan Arunaca

⁸ Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

Aymar Bibliia 1986

⁸ Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

Qullan Arunaka DC

⁸ Ukhamasti, chachanakan Tatitut taqi tuqin mayisiñap nayax munta, q'uma chuymampi amparanakap luqtasa; jan q'apisiñampi, jan ch'axwañampi.

1 Timoteo 2:8 Jak'a apnaqawi uñst'ayäwi

1 Reyes 3:11

Ucatsti sänwa: “Jumajja cunatsa uqham mayistajja, janiw mayquistati jaya maranaca jacaña, ni kamir cancañsa, ni uñisirinacaman jiwañapsa, jan ucasti maytawa yatiñ cancaña ist'añataqui uqhamarac apnakañataquiraqui.

Job 16:17

ucampisa janiw qhitiru ñankha luratajjas utjquiti, mayisitajjas k'omäscaraquiwa.

Salmos 134:2

Kollan ut toker amparanacam loktapjjam, Tatiturusti jach'añchapjjam.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Salmos 24:4

Juch jan lurir amparanacan jakew ucancaspa, k'oma chuyman jakew ucancaspa, yakha diosanacar jan yupaychir jakew ucancaspa, c'ari juramento jan lurir jakew ucancaraquispa.

Salmos 26:6

Tatay, amparanacajjas k'omachataw maqhatansma, juchajjats pampachataw altaramar jac'achasinsma,

Salmos 28:2

Yanap mayiscsma ucapachajj arnakasitajjarojj ist'aquimaya, amparanacajj kollan utam uñcatat aytancta ucapachajj jaysaquitaya.

Salmos 35:13

Nayajj jupanacar usuntir uñjasajja, walpun llaquisïyäta, qhanqha isimpiw isthapisïyäta, janiw mank'cäyätsa, chuyma mankhejjansti, janiw Diosat mayirapiñ karjascäyätti.

Salmos 63:4

Take jacäwejjan jach'ar aptäma, jumar art'asisaw amparanacajj aytä.

Salmos 66:18

Jan wali amuyutejj utjitasapänjja, Tatitojj janiw ist'quitasapänti;

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 21:27

Tatitojj jucharar jakenacan sacrificio loktatanacaparojja uñisiwa, jupanacan jan wali amtäwinacamp loktapjjatap laycu.

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Mateo 21:21

Jesusasti jupanacarojj sänwa: —Khanacwa sapjjsma, jumanacantejj iyawsañanacamajj utjapjjeristam, janirac pächasiñas utjapjjeristam ucajja, janiw nayajj lurcta ucac lurapcasmati, jan ucasti qhä kollur: ‘Sartam, ucatsti kotar mantam’ sapjjasma ucajja, lurasispawa.

Mateo 5:44

Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Lucas 23:34

Ch'accatasipcän ucqhajj [Jesusajj sänwa: —Awquejja, perdonam, jupanacajj janiw cuna luratanacaps yatipquiti —sasa.] Soldadonacasti suerte jaktapjjäna Jesusan isip jupanaccam jaljasiñataqui.

Lucas 24:50

Ucapachaw Jesusajj jupanacarojj irpi Betania marccama; jupasti amparanac aytasinwa jupanacarojj bendici.

Juan 4:21

Jesusasti saraquïnwa: —Warmi, ac siscsma ucajj chekawa, jan aca kollur ni Jerusalenar sarasin Diosar yupaychaña horasajj niyaw purinini.

Hechos 10:2

Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Hechos 10:31

Jupasti nayarojj situwa: ‘Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Hechos 10:4

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Hechos 7:60

Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

1 Corintios 7:7

Nayajj muniristwa sapa maynis nayjamäñapa, ucampis Diosajj janiw sapa maynirus uqham uchquistuti jan ucasti sapa maynis jak jakëtanwa.

2 Corintios 2:14

Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Filipenses 1:12

Jilatanaca, munaractwa ac yatipjjañama: Cunanacatejj nayar pasquitu ucanacajja, chekpachansa mä yanapjamaw juti, uquïpanracwa khespiyasiñ yatiyäwejj juc'ampi sarti.

1 Tesalonicenses 1:8

Uqhamatwa jumanacajj Tatitun arunacapjja yatiyapjjta; janiw Macedonianacti ni Acayanacsa, jan ucasti takewjanwa jumanacan Diosar iyawsäwinacaman utjatapajj yatisi, uqhamïpanjja nanacanjja janiw cuna sañanacajjas utjquiti.

1 Timoteo 5:14

Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

1 Pedro 3:7

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.