1 Timoteo 2:8 - Qullan Arunaka DC

⁸ Ukhamasti, chachanakan Tatitut taqi tuqin mayisiñap nayax munta, q'uma chuymampi amparanakap luqtasa; jan q'apisiñampi, jan ch'axwañampi.

Aymar Bibliia 1986

⁸ Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

Qullan Arunaca

⁸ Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

1 Timoteo 2:8 Jak'a apnaqawi uñst'ayäwi

1 Reyes 3:11

ukat jupar säna: “Mayisitamax askiwa, janiw jaya maranak jakañ maykistati, janiw qamir kankañsa, uñisirinakaman jiwañapsa maykistati, jan ukasti, jumax ist'añ yatiñataki, apnaqañ yatiñatakiw ch'ikhi kankañ mayistaxa,

Job 16:17

janiw nayan khitir ñanqha lurataxas utjkiti, jupar mayisitaxasti q'umawa.

Salmos 134:2

¡Qullan uta tuqir amparanakam luqtapxam, Tatiturusti jach'ar aptapxam!

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Salmos 24:4

Jan juch lurir jaqiw ukankaspa, q'uma chuyman jaqiw ukankaspa, yaqha diosanakar jan yupaychir jaqiw ukankaspa, k'ari juramento jan lurir jaqiw ukankarakispa.

Salmos 26:6

Tatay, amparanakaxas q'umachataw makhatansma, juchaxatsa pampachataw altaramar jak'achasinsma,

Salmos 28:2

Arnaqt'asis yanap mayisksma ukapachax ist'akitaya, qullan utam uñkatat amparanakax aytankta ukapachax jaysakitaya.

Salmos 35:13

jupanakar usuntir uñjasaxa, walpun jupanakat llakisïyäta, khankha isimpi isthapisisaw ayuno luräyäta, chuyma manqhixansti, Tatituruw mayirapïyäta.

Salmos 63:4

4 (5) taqi jakäwixampiw jach'añchäma, jumat mayisiñatakix amparanakax aytä.

Salmos 66:18

Jan wali amuyutix utjitasapänxa, Tatitux janiw ist'kitasapänti;

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Mateo 21:21

Jesusasti jupanakarux sänwa: —Qhanak sapxsma, jumanakantix iyawsañax utjaspa, janirak Diosan ch'amapatsa pächasipkasma ukax, janiw nayax kuntix lurkta ukak lurapkasmati, jan ukasti khä qullurutix: ‘Unxtam, jach'a qutar liwiranttam’ sapxasmaxa, lurasispawa.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Lucas 23:34

Jesusasti sänwa: “Awkixay, aka jaqinakar pampacham, jupanakasti janiw kuna luratapsa yatipkiti” sasa. Soldadonakasti Jesusan isip jupanakkam jaljasiñatakix suerte jaqtapxäna.

Lucas 24:50

Ukatsti Jesusax Betania markakamaw jupanakarux irpäna, amparanakap luqtasaw jupanakarux uka chiqan aski waxt'äwip churarakïna.

Juan 4:21

Jesusasti juparux sarakïnwa: —Warmi, arsutaxar iyawsam, Diosar yupaychañ pachax jak'ankxiwa, janiw aka qullurusa, Jerusalén markarus Diosar yupaychirix sarkxapxätati.

Hechos 10:2

Jupasti khuyapayasir jaqïnwa, taqpach utapankirinakapamp chikaw Diosar yupaychäna. Jupax judionakar yanapañatak walja qullqi churarakirïna, Dios chuyma jaqïtap laykux, jupax Tatitur mayisipunirïnwa.

Hechos 10:31

Jupasti sarakituwa: “Cornelio, Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atarakiwa.

Hechos 10:4

Corneliosti wali axsarasaw angelar uñkatasin jiskt'i: “¿Kunach, Tata?” sasa. Angelasti siwa: “Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atawa.

Hechos 21:5

Ukampis ukat paqallq ururusti saraskakiñatakiw mistuwayxapxta. Jilatanakasti warminakampi, wawanakampi kunaw nanak chikarak marka anqäxkam sarapxi. Quta thiyar purisinsti killt'asisaw Tatitur mayisipxta.

Hechos 7:60

Killt'asisinsti, jach'at art'äna: “¡Tatay, aka jucha luratat jan jupanakar juchañchamti!” sasa. Ukham arsusin jupax jiwawayxäna.

1 Corintios 7:7

Nayax taqinis nayjamäpxañam munirista; ukampis Diosax sapa mayniruw kunayman churäwinak churi, maynirux mayja, mayninakarusti mayjaraki.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

Filipenses 1:12

Munat jilatanaka, yatipxam, kunatix nayamp luraskän ukax suma yatiyäwi arunak yatiyañanxa, mä yanapänwa.

1 Tesalonicenses 1:8

Jumanakat qalltasaw Tatitun yatiyäwipax taqi chiqar puri, janiw Macedonia, Acaya uka chiqanakarukiti, jan ukasti taqi chiqanakaruw puri, Tatitur iyawsapxatamat yatisiwa, ukhamïpansti janiw nanakan kun arsuñanakaxas wakiskxiti.

1 Timoteo 5:14

Ukat nayax tawaqu ijma warminakan jaqichasiñap munta, wawanakanïñapa, utap sum uñjirïñap munta, ukhamat uñisirinakapan jupanakar jan p'inqachaskañapataki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Santiago 4:8

Diosar jak'achasipxam, jupasti jumanakarux jak'achasiniwa. ¡Jucharar jaqinaka, amparanakam q'umachasipxam! ¡Jumanaka, Diosar munkasin juch luririnakax chuymanakam q'umachasipxam!

1 Pedro 3:7

Chachanakasti warminakamampix suma chuymanïpxam. Kunjämarutix wakiski ukhamar jupanakar jach'ar aptapxam, jupanakax janiw jumanakjam wali ch'amanïpkiti, ukampis Tatitux wiñay jakañ churarakini. Jumanakatix ukham lurapxätaxa, Tatitux mayisitanakam ist'apuniniwa.