1 Timoteo 2:9 - Qullan Arunaca

⁹ Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,

Aymar Bibliia 1986

⁹ Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,

Qullan Arunaka DC

⁹ Warminakasti kunatix isisiñäki ukhamak isisipxpan, janiy ñik'utanakapsa jiljañamp k'anasipxpati, janirak qurimpisa, llijkir qalanakampisa, jila alan isinakampis k'achachasipxpati.

1 Timoteo 2:9 Jak'a apnaqawi uñst'ayäwi

Génesis 24:53

Ucatsti walja yänaca, korit lurata, kollket lurata yänaca, uqhamarac isinac apsusisinwa Rebecar churäna. Jilaparus, taycaparus regalonacjja churaraquïnwa.

2 Reyes 9:30

Jehú capitanajj ucatjja Jezreel chekaruw saräna. Jezabel warmejj uc yatisinjja, nayranacapjja pintasitaynawa, uqhamarac ñic'utanacapsa c'achachasitayna, ucatsti mä ventanaruwa jac'achasïna.

Ester (hebreo) 5:1

Ucat quimsa uru pasatatsti Ester warmejj palacio saraña suma isipa ucht'asisawa mantäna palacio patio mankheru. Ucatsti sayt'asinwa reyejj cawqha utantejj tronopana kont'atäcäna uca nayrakataru ucasti puncu nayräjjancänwa.

Salmos 149:4

Tatitojj marcaparojj munasiwa, llamp'u chuyman jakenacarojj atipt'ayiwa.

Proverbios 31:22

Jupa pachpawa iquïñanacjja sawusiraqui, ucatsti suma telat lurat isinacampiw isisiraqui.

Proverbios 31:25

Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.

Proverbios 7:10

Ucatsti mäquiwa uca warmejj jicjjatiri mistuni, jan wali sarnaker warmjam isthapita, c'arintañ amtäwinacampi phokt'ata.

Isaías 3:16

Tatitusti saraquiwa: “Sionanquir jach'a jach'a tucur warminacarusti, qhitinacatejj p'eksa alayar waytasa sarnakapqui, jisc'achañ chuymampi uñtasa, jisc'a jisc'ar chellktasa cunanacampi c'achachatäquitejj cayunacapas ucanac chhullokeyasa.

Isaías 61:4

“Nayrapacha t'unjat utanacsti wasitatwa utachjjapjjani, cawquïri jach'a utanacatejj t'unjatäcän ucanacjja wasitatwa sayt'ayjjapjjani, cawquïri marcanacatejj t'unjatäcän ucanacjja utachjjapjjaraquiniwa.

Jeremías 2:32

¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Mateo 11:8

Jan ucajj ¿cun uñjirich sarapjjtajja? ¿Mä suma isin isintata jakerucha? Jumanacajj yatipjjtawa, suma isin jakenacajj reyinacan utapancapjjewa.

1 Timoteo 2:10

jan ucasti suma luräwinacampi c'achachasipjjpan, Diosar catuyata warminacjama.