1 Samuel 24:4 - Qullan Arunaca

⁴ Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. ‘Uñisirimjja amparamaruw catuyäma’ sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

Aymar Bibliia 1986

⁴ Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. “Uñisirimjja amparamaruw catuyäma” sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

Qullan Arunaka DC

⁴ 4 (5) Davidan jaqinakapasti juparux sapxänwa: —Chiqpachansa jichhüruw phuqhasi kuntix Tatitux sisktam: “Uñisirimarux amparamaruw katuyäma, jupampix kuntix munkta uk luräta” —sasa. Ukhamasti Davidax sartasin wali amuyumpiw Saúl reyin isipat mä jisk'a khuchhuqäna;

1 Samuel 24:4 Jak'a apnaqawi uñst'ayäwi

2 Samuel 4:8

Davidar catuyañataqui, jupasti Hebrón chekancascaraquïnwa, reyirusti sapjjaraquïnwa: —Jach'a Rey, acajj Is-boset jaken p'ekepajja, jupajj Saúl reyin yokapänwa, juma jach'a reyin uñisiriparaquïnwa, jumarusti jiwañamwa munaraquïnjja. Ucampisa jichhürojj Dios Tatituw muni juma jach'a reyin Saúl reyimpita, uqhamaraqui wawanacapampita phoksusiñamataqui —sasa.

Job 31:31

Nayampi chica utjirinacatejj jaya marcat jutirinacaru jan walinac lurañ munapjjchïna ucapachasti,

Salmos 142:1

Tatiturojj wali jach'at art'asta, jach'at qhuyapayasiñ mayista.

Salmos 57:1

Nayat qhuyapt'ayasit Diosajjay, nayat qhuyapt'ayasita, jumamp arjjatayasiñataquiw thaksma. Jan walt'añ nayat jithekañapcamasti amparamamp imantayasiñ munta.

Éxodo 21:13

Ucampis qhititejj jan amtañampi jiwaycani, ucampis Diosat waquischi jiwañapajja ucasti nayaw yatiyäma cawqha chekarutejj jan juchañchatäñatac jaltañamäqui ucjja.

1 Samuel 22:1

Davidasti ucatjja jaltawayjjaraquïnwa; Adulam sat puturuw imantasjjaraquïna. Cunapachatejj jilanacapas, uqhamarac take familianacapasa ucanac yatipjjäna ucapachajj jupan ucaruw sarapjjäna.

1 Samuel 23:17

Saraquïnwa: —Jan ajjsaramti. Saúl rey awquejjasti janiw jicjjatcätamti. Jumasti mä urojj Israelan reyipaw tucüta. Nayasti juman jac'amancaraquïwa, sullca reyïquiristsa uqhama. Acsti, Saúl rey awquejjasti yatiraquiwa.

1 Samuel 23:7

Mä toketsti Saúl reyirojj yatiyapjjaraquïnwa, Davidajj Keila marcancascatapa. Ucat reyejj chuymapan saraquïnwa: “Diosajj jichhajj amparajjaruw catuyitu. Marcaru mantanisinsti, pachpa marcan jach'a puncunacapampi jist'antataw kheparani” sasa.

1 Samuel 24:10

Juma jach'a reyejj jichhajj jumapachaw amuytajja; Tatitojj jach'a reyjja amparajjaru catuycchitu ucasa, qhaya putunjja, ucampisa janiw nayajj jiwayañ muncäyätti jach'a reyirojja, jan ucasti juparojj perdontwa, ucatsti saraquïyätwa: ‘Jupajj jach'a reyiwa, Tatituw juparojj ajllisiraqui’ sasa.

1 Samuel 24:18

Jichhajj jumajj uñacht'ayistawa, chekpachapuni nayan asquejja munascatama. Tatitojj juman amparamaru nayarojj catuycchitu ucasa, janiw jiwayquistati.

1 Samuel 26:23

Tatitusti sapa maynirus chuymaparjamaraqui uñjpan. Tatitojj jichhüruna chekpachansa amparajjaru catuycchitu ucasa, janiw nayajj amparajj aytañ muncäyätti jupan ajllit reyip contrajja.