1 Samuel 24:4 - Qullan Arunaka DC

⁴ 4 (5) Davidan jaqinakapasti juparux sapxänwa: —Chiqpachansa jichhüruw phuqhasi kuntix Tatitux sisktam: “Uñisirimarux amparamaruw katuyäma, jupampix kuntix munkta uk luräta” —sasa. Ukhamasti Davidax sartasin wali amuyumpiw Saúl reyin isipat mä jisk'a khuchhuqäna;

Aymar Bibliia 1986

⁴ Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. “Uñisirimjja amparamaruw catuyäma” sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

Qullan Arunaca

⁴ Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. ‘Uñisirimjja amparamaruw catuyäma’ sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

1 Samuel 24:4 Jak'a apnaqawi uñst'ayäwi

2 Samuel 4:8

Hebrón markar purisasti, Is-bóset jaqin p'iqip Davidar katuyapxäna, akham sasa: —Munañan rey, akax Saúl uñisiriman Is-bóset yuqapan p'iqipaxa, jupax jumar jiwayañ amtäna. Ukampis jichhürux Dios Tatituw muni juma jach'a reyin Saúl reyimpita, wawanakapampit phuqsusiñama —sasa.

Job 31:31

Nayamp chika utjirinakatix jaya markat jutirinakar jan walinak lurañ munapxäna ukapachasti,

Salmos 142:1

1 (2) Tatiturux wali jach'at art'asta, khuyapayasiñ jach'at mayista.

Salmos 57:1

1 (2) Diosaxay, nayat khuyapt'ayasita, jumampi arxatayasiñatakiw thaqsma, nayat khuyapt'ayasipunita. Jan walt'añ nayat jithiqañapkamasti, amparamampi imantayasiñ munta.

Éxodo 21:13

Ukampis khititix jan amtañampi maynir jiwaykani, jan ukasti, Diosat jiwañapax wakischi ukaxa, nayaw yatiyäma kawkha chiqarutix jiwayir jaqix jaltxañapäki ukxa.

1 Samuel 22:1

Davidax Gat chiqat sarxasinsti Adulam sat putur imantasiñatakiw jaltxäna. Ukatsti jilanakapampi, utapankir wila masinakapampix ukanak yatisax jupan ukaruw sarapxäna.

1 Samuel 23:17

Jupax sarakïnwa: —Jan axsaramti. Saúl awkixax janiw jikxatkätamti. Jumasti mä urux Israelan reyipaw tuküta, nayasti jumar arktiri jilïrirakïyäwa. Aksti, Saúl awkixax askiw yati —sasa.

1 Samuel 23:7

Mä tuqitsti, Saúl reyirux Davidan Queilá markankaskatap yatiyapxäna, ukat chuymapan sarakïna: “Tatitux amparaxaruw katuyitu, markaru mantanisinsti, pachpa punkunakapampi, jist'añanakampi jist'antataw uñjasini” sasa.

1 Samuel 24:10

10 (11) Jach'a munañan rey jumapachaw yattaxa; Tatitux khaya putun jumaru amparaxar katuykchitän ukasa, janiw nayax juma munañan reyirux jiwayañ munkäyätti, ukat sarakïyäta: “Jupax munañan reyiwa, Tatituw juparux chhijllasi” sasa.

1 Samuel 24:18

18 (19) Jichhürux nayan askïñax munatam uñacht'ayista. Tatitux juman amparamar nayar katuykasinsa, janiw jiwaykistati.

1 Samuel 26:23

Tatitusti sapa maynirus chuymaparjam uñjpan. Tatitux amparaxaruw jumarux katuyitu, ukampis nayax Tatitun ajllit reyirux janiw jan wal lurañ munkäyätti.