1 Samuel 24:11 - Qullan Arunaca

¹¹ “Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

Aymar Bibliia 1986

¹¹ “Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

Qullan Arunaka DC

¹¹ 11 (12) “¡Jach'a munañan rey, kunatix amparaxankki uk uñjam! Naya pachpaw isimat mä jisk'a khuchhuqta. Ukampix jumax munañan rey amuyxasmaw janiw nayax jiwayañ munksmati, janirakiw juma reyirux kuna jan walsa lurksmati. Ukampis jumax, jiwayañatakiw nayar arknaqista.

1 Samuel 24:11 Jak'a apnaqawi uñst'ayäwi

2 Samuel 1:14

—Uqhamasti, ¿cunjämarac jumasti Tatitun ajllita reyi contrasti amparam ayttasti? —sasaw Davidajj jach'at arsuraquïna.

2 Reyes 5:13

Ucampis uywatanacapajj jupar jac'achasisinjja, aqham sapjjänwa: —Tata, profetatejj mä ch'ama luraña chuririscätam ucajja, ¿janiti jumajj lurcasamänjja? Ucat sipansa juc'amp asquipï: ‘Jarisim’ sisctam ucatjja k'omachatäjjätajja —sasa.

Job 10:16

Nayatejj sayt'asiristjja, jumajj mä leonjamaw nayataquejj sarttajja, nayar t'unjañataquisti cunsa lurirjamätawa.

Salmos 119:161

Jilïr jakenacajj ina ch'usat arcnakapjjetu, chuymajjasti arunacamaruw wakaychi.

Salmos 140:11

Lacarar jakejj oraken jan acht'pati, khoru jakerusti chijejj arctpan.

Salmos 35:7

Ina ch'usat nayataquejj sipit waquichapjje, jiwañ p'iyanac jalantañajjatac jist'japjje:

Salmos 59:3

wali ch'aman jakenacaw utji, nayar jiwayañataquiw suyantasipquitu.

Salmos 7:5

timasirejjajj arctasin catjitpan, jicjjatasinsti jacasquirpach orakenjam katatitpan, jake cancañajjsti oraker taquisiracpan.

Proverbios 15:1

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Lamentaciones 4:18

Take sartäwinacaswa uñch'uquipjje, janiraquiw ankarus mistuñjamäquiti, tucusïwisasti jac'ancjjewa, horasajj purinjjestuwa; ¡tucjatäñasajj purinjjewa!

Ezequiel 13:18

Ucatsti saraquim: ‘Aqham siw Tatitojj: ¡Ay, cunaquïcani jumanacataquejja, jakenaca catunañacan sarnakasipcta ucanacataquejja; jupanacajj laykasiñ ch'okäñanac ch'ucupjje, ucanacampi amparanacaparu ch'okasipjjañapataqui, uqhamaraqui velonac lurapjje takenis ucanacampi p'ekenacap ch'okt'asiñataqui!. ¿Jumanacasti amuyapjjtati marcajjan utjiri jakenacan jacañanacapajj jumanacanccaspas uqhama?

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Juan 15:25

Ucampis acanacajj pasañapapuniwa, jupanacan ley kellkatanacapan: ‘Alekat uñisipjjetu’ sisqui uca arunacajj phokhasiñapataqui.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 18:27

Davidajj jakenacapampi filisteo chachanacaru jiwarayiriw sarapjjäna. Pä pataca filisteo chachanacwa jiwarayapjjaraquïna, ucatsti ucanacan chhojjorasiñapan punta lip'ichinacapsti reyin ucaruw apaniraquïna, uqhamat jupajj reyin tollkapäñapataqui. Uqhamasti Saúl reyejj Mical phuchapwa Davidarojj warmipäñapataqui churjjäna.

1 Samuel 23:14

Uqhamaw Davidajj Zif sisqui uca wasara kollu chekana jacañataqui kheparäna. Ucansti mä imantasiñanacaw utjaraquïna, Saúl reyejj sapüru thakcchïnsa, ucampisa Tatitojj janiw amparaparu catuycänti.

1 Samuel 23:23

Cawquïri imantasiñanacarutejj imantasqui ucanacsti wali suma uñakanipjjam; nayan ucaru yatiyiri cuttanipjjam, cawqhancquitejj ucjja sum yatjjatasa. Ucat nayajj jumanacampi chicaw sarä. Chekpachapuni uca chekancchejja, nayasti c'uchut c'uchu thaksü take uca Judá orakjja, uqhamarac take jakenac taypsa.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.

1 Samuel 26:18

Ucampisa, ¿cunataraqui jach'a reyisti aca sirviriparu arcanakesti? ¿Cunaraqui nayasti lurtsti? ¿Cuna jan walcha lurtjja?

1 Samuel 26:20

Janiw nayajj munquiristti wilajjajj Tatitun nayrakatapat jayan wartatäñapa, ucampisa jach'a munañani reyejj mä jisc'a c'utirjamaw thakheri mistunitojja, kollu tokenacansti mä p'isakar uñtataraquiw arcnaketojja —sasa.

1 Samuel 26:23

Tatitusti sapa maynirus chuymaparjamaraqui uñjpan. Tatitojj jichhüruna chekpachansa amparajjaru catuycchitu ucasa, janiw nayajj amparajj aytañ muncäyätti jupan ajllit reyip contrajja.