1 Samuel 24:10 - Qullan Arunaca

¹⁰ Juma jach'a reyejj jichhajj jumapachaw amuytajja; Tatitojj jach'a reyjja amparajjaru catuycchitu ucasa, qhaya putunjja, ucampisa janiw nayajj jiwayañ muncäyätti jach'a reyirojja, jan ucasti juparojj perdontwa, ucatsti saraquïyätwa: ‘Jupajj jach'a reyiwa, Tatituw juparojj ajllisiraqui’ sasa.

Aymar Bibliia 1986

¹⁰ Juma jach'a reyejj jichhajj jumapachaw amuytajja; Tatitojj jach'a reyjja amparajjaru catuycchitu ucasa, qhaya putunjja, ucampisa janiw nayajj jiwayañ muncäyätti jach'a reyirojja, jan ucasti juparojj perdontwa, ucatsti saraquïyätwa: “Jupajj jach'a reyiwa, Tatituw juparojj ajllisiraqui” sasa.

Qullan Arunaka DC

¹⁰ 10 (11) Jach'a munañan rey jumapachaw yattaxa; Tatitux khaya putun jumaru amparaxar katuykchitän ukasa, janiw nayax juma munañan reyirux jiwayañ munkäyätti, ukat sarakïyäta: “Jupax munañan reyiwa, Tatituw juparux chhijllasi” sasa.

1 Samuel 24:10 Jak'a apnaqawi uñst'ayäwi

Salmos 105:15

Jupajj sänwa: “Ajllitanacajjarojj jan llamct'apjjamti, profetanacajjarojj jan ñankha lurapjjamti” sasa.

Salmos 125:3

Ñankha lurir jakenacan munañan cancañapajj janiw wiñayatac asqui jakenacar apnakcaniti; asqui jakenacan ñankha jan lurasipcañapataqui.

Salmos 7:3

Tatit Diosajjay, nayatejj juchanïsta, amparanacajjatejj jaker jiwayirïchi,

Salmos 7:4

uñt'at jake masejjarutejj ñankha luratajjajj utjchi, t'akhesiyir jaker arjjatatajjatejj utjchi ucajja,

Éxodo 21:13

Ucampis qhititejj jan amtañampi jiwaycani, ucampis Diosat waquischi jiwañapajja ucasti nayaw yatiyäma cawqha chekarutejj jan juchañchatäñatac jaltañamäqui ucjja.

Ezequiel 22:9

Yakhepa jakenacamasti, c'arinac parlapjjatap laycojja juchanïpjjewa mayninacan jiwaratanacapatjja; cuna jach'a mank'äwinacatejj kollu patanacan utjqui uca c'ari diosanacar yupaychasina, uca mank'äwinacarusa sarapjjaraquiwa, ajjtascañanaca lurapjjaraqui.

Levítico 19:16

“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.

1 Samuel 24:4

Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. ‘Uñisirimjja amparamaruw catuyäma’ sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

1 Samuel 24:9

saraquïnwa: —Jach'a reyisti, ¿cunataraqui qhitinacatejj nayjjat jan walinac parlapqui ucanacaru ist'isti, nayajj juma contra cunsa thakquirista uqhama?