1 Reyes 8:9 - Qullan Arunaca

⁹ Arcanjja janiw cuna yakhas utjcänti, jan ucasti Moisesajj Horeb chekana kalat lurat pä tablanaca uchcäna ucaquiwa ucancäna, Egiptot mistunipcäna ucqha Tatitojj sumancäwir tablanaca israelitanacampi lurcäna uca.

Aymar Bibliia 1986

⁹ Arcanjja janiw cuna yakhas utjcänti, jan ucasti Moisesajj Horeb chekana kalat lurat pä tablanaca uchcäna ucaquiwa ucancäna, Egiptot mistunipcäna ucqha Tatitojj sumancäwir tablanaca israelitanacampi lurcäna uca.

Qullan Arunaka DC

⁹ Arcansti janiw kuna yaqhas utjkänti, jan ukasti kawkïr qalat lurat pä tablanaktix Moisesax Horeb chiqankkasin uchkatayna ukakiw ukankäna, Egiptot mistunipkäna ukapacha Tatitux israelitanakampi arust'äwi lurkäna uka.

1 Reyes 8:9 Jak'a apnaqawi uñst'ayäwi

1 Reyes 8:21

Uqhamaraquiw templonjja yakhacharacta mä cheka arca uchañataqui, ucanaracwa jicjjatasiraqui Tatitojj nayra awquinacasampi suma amtäwiru mantcäna Egiptot mistuncäna ucqhajja” sasa.

2 Crónicas 5:10

Uca arcansti Moisesajj Horeb chekana kalat lurat pä tablanacaru kellkcäna ucanacaw uchatäna, Tatitojj arust'äwi tablanaca israelitanacampi lurcäna cunapachatï Egiptot mistunipcäna ucapacha.

2 Crónicas 5:9

Uca lawa callañanacapasti wali jach'anacänwa, puntanacapasti Kollana Chekatpachwa uñstäna, kollanansa Kollanapa Chekar nayräjjata, ankäjjatjja janis uñstcchïna ucasa; uqhamawa kheparawayi jichhürcama.

Éxodo 13:21

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Éxodo 14:24

Khepärmanthi willjtasti Tatitojj egipcionacajj cawqhancapcäntejj ucqharojj uñch'uquiscänwa nina taypita, uqhamarac kenayata, ucatsti egipcionacarojj jupanacpura jan walt'ayasiñaruw puriyäna.

Éxodo 16:10

Ucampis Aaronajj take israelitanacar parlcäna ucapachasti takeniwa uñjapjjäna wasar toketa Tatitun jach'a cancañapajj kenay taypit uñstaniri.

Éxodo 16:33

Ucat Moisesasti, Aaronarojj saraquïnwa: —Mä phuqhurusti pä litro maná t'ant'a uchasin apam Tatitun nayrakataparu, uqhamata imatäñapataqui jumanacan wawanacaman wawanacapataqui.

Éxodo 25:16

Uca arcarojj ucharaquïtawa cawquïr amtäwinactejj lurctan uca leyinaca.

Éxodo 25:21

Ucampis uca arca patjjarojj juchanacat pampachatäñataqui ofrenda loktañäquis uca, uqhamarac cuna amtäwinactejj lurctan ucanac uchäta, ucatsti tapampiw khopjjatjjäta.

Éxodo 40:20

Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna.

Ezequiel 10:4

Tatitun c'ajquiri khanapasti uca chhekhani angelanac patatwa sartawayäna, ucatsti templor mantañäquis ucsa tokeruw sararaquïna; kenayasti temploruw phokhantaraquïna, uta ankäjjasti Tatitun c'ajquiri khanapampi phokhantataraquïnwa.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Números 17:10

Ucatsti Tatitojj Moisesarojj sänwa: “Wasitat uchanim Aaronan varapjja sumancayiri arcan nayrakataparu, ucqharu imaniraquim aca naya contra sayt'asir marcatac mä chimpüñapataqui. Uqhamatwa naya nayrakatat jan wali parläwinac apakäta, ucatsti janiw jiwapcaraquiniti” sasa.

Números 9:15

Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Deuteronomio 31:26

“Aptapjjam aca leyinacan libro, ucatsti uchapjjam Diosan Sumancayiri Arcap thiyaru, ucqhan jumanac contra mä testigot uchatäpan.

Deuteronomio 4:13

Tatitusti uñacht'ayapjjtamwa jupan suma arust'äwipjja, cawquïritï Tunca Camachinacana, pä kalanacar kellkata, jumanacan uca camachinacarjam sarnakapjjañamataqui.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.

Apocalipsis 15:8

Diosan santuariopasti jek'ena phokhantatänwa, uca jek'esti Diosan jach'a munañanïñapata, uqhamarac ch'amapatwa jutäna. Janiraquiw qhitis ucarojj mantañataqui ch'amanïcänti, cuntejj angelanacajj pakallko t'akhesïwinac apapcänsa ucanacan phokhasiñapcama.