1 Reyes 8:10 - Qullan Arunaca

¹⁰ Kollan Chekata sacerdotenacajj mistunipcäna ucqhajja, kenayawa Tatitun temploparu phokt'äna.

Aymar Bibliia 1986

¹⁰ Kollan Chekata sacerdotenacajj mistunipcäna ucqhajja, kenayawa Tatitun temploparu phokt'äna.

Qullan Arunaka DC

¹⁰ Sacerdotenakax Qullan chiqawjat mistunipkän ukapachaxa, qinayaw Tatitun utapar phuqhantäna,

1 Reyes 8:10 Jak'a apnaqawi uñst'ayäwi

1 Reyes 8:11

Uca kenaya laycusti sacerdotenacajj janiw kheparcjjapjjänti culto lurañataqui, Diosan jach'a cancañapajj temploparu phokt'atap laycu.

Salmos 97:2

Jupajj ch'amac kenayanacamp muyuntatawa, chekapar uñjañampi, asqui cancañampiw reyi konuñaparojj ch'amañchi,

Éxodo 16:10

Ucampis Aaronajj take israelitanacar parlcäna ucapachasti takeniwa uñjapjjäna wasar toketa Tatitun jach'a cancañapajj kenay taypit uñstaniri.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Isaías 6:4

Uca arunac ist'asasti, templon puncunacapajj qhathatipjjänwa, templosti jek'empi phokhantataraquïnwa.

Ezequiel 10:4

Tatitun c'ajquiri khanapasti uca chhekhani angelanac patatwa sartawayäna, ucatsti templor mantañäquis ucsa tokeruw sararaquïna; kenayasti temploruw phokhantaraquïna, uta ankäjjasti Tatitun c'ajquiri khanapampi phokhantataraquïnwa.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Apocalipsis 15:8

Diosan santuariopasti jek'ena phokhantatänwa, uca jek'esti Diosan jach'a munañanïñapata, uqhamarac ch'amapatwa jutäna. Janiraquiw qhitis ucarojj mantañataqui ch'amanïcänti, cuntejj angelanacajj pakallko t'akhesïwinac apapcänsa ucanacan phokhasiñapcama.