1 Reyes 19:4 - Qullan Arunaca

⁴ Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

Aymar Bibliia 1986

⁴ Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

Qullan Arunaka DC

⁴ Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

1 Reyes 19:4 Jak'a apnaqawi uñst'ayäwi

1 Reyes 13:14

mistuwayiwa Judá ucanquir profetan khepapa. Ucatsti jicjjatänwa kont'atäsquiri encina sat mä koka cayuna, ucatjja jisct'änwa: —¿Jumätati Judá ucat jutir profetajja? —sasa. Jupasti sänwa —Nayätwa —sasa.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

1 Reyes 19:5

Ucatsti retama ali mankheru mantasinwa, icjawayjjäna. Ucampis mä angelaw purinisina llamct'äna aqham sasa: “Sartasim, ucatjja mank'asim” sasa.

2 Reyes 2:11

Jupanacajj parlasisa sarasipcäna ucqhasti, acatjamatwa mä nina naqhasquiri carrojj uñstanïna nina caballonacani, ucatsti jaljtayänwa, Eliasasti alajjpacharuw maqhatjjäna mä thaya tutucanjama.

Job 6:8

¡Inacha Diosajj cuntejj nayajj maycta uca ist'asquitaspa; cuntejj muncta ucsa churaraquitaspa!

Job 6:9

¡Mä pitasa Diosajj nayarojj t'unj-jjetaspa, mä pitas jiwayjjetaspa!

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Amós 6:2

Sarapjjam Calne marcaru, uñjapjjaraquim; ucatsti pasapjjaraquim Hamat jach'a marcaru, ucqhatsti sarakapjjaraquim filisteonacan Gat marcaparu. ¿Jumanacasti ucat sipansa juc'amp sumäpjjtati? ¿Marcamacha jupanacanquirit sipansa juc'amp jach'ajja?

Jonás 4:3

Ucatwa, Tatay, mayt'assma jacañajj apakjjañamataqui. Jiwjjañaw sumajja jacañat sipansa.

Jonás 4:8

Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Nahúm 3:8

¿Jumasti Tebas marcat sipan juc'ampi sumätati?, cawquïr marcatejj Nilo jawira jac'ancqui uca walja umanacampi muyuntata, jawiran muyuntayata umampi pirkaniraqui.

Números 11:15

Jumatejj uqham jan walinacampi uñjasquitäta ucqhajj, walïspaw nayan jiwjjañajjajja, nayarutï chekpachansa munchista ucajja. Uqhamanwa jan cuna jan walt'añanacsa uñjcjjeristti —sasa.

Mateo 6:26

Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.

Juan 4:6

Ucawjanwa utjäna uma phuju, Jacobon phujupa sata. Jesusajj thac jutcäwin karjatänwa, ucatsti Jacobon phujupjjaruw kont'asi. Ucqhasti niya chica uru horasänwa.

Romanos 3:9

¿Cunaraquisti? Jiwasa judionacasti jupanacat sipansa ¿juc'ampi sumäpjjtanti? Janiw cunjämatsa, niyaqui khanañchtanjja judionacasa jan judionacasa, juchancapjjatapa.