1 Reyes 19:3 - Qullan Arunaca

³ Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

Aymar Bibliia 1986

³ Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

Qullan Arunaka DC

³ Uk yatisasti, Eliasax jan walt'añankatap amuyasïna, jakañap qhispiyasiñatakisti Judá uraqinkir Beerseba chiqaruw jaltxäna, uywataparusti pachparuw jaytawayxäna.

1 Reyes 19:3 Jak'a apnaqawi uñst'ayäwi

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 21:31

Ucatwa uca chekajj Beerseba sas sutichatajja, uca chekan panpachani juramento lurapjjatap laycu.

1 Reyes 4:25

Salomón reyejj jaccäna ucqhajja Judá, Israel jakenacajja, Dan ucata Beerseba ucqhacamajja samarataquiw jacapjjäna uva alinac thiyana, uqhamarac higo alinac thiyana.

Éxodo 2:15

Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Mateo 26:56

Ucampis take acanacajj lurasisquiwa profetanacan arsutanacapajj phokhasiñapataqui —sasa. Ucapachaw Jesusan discipulonacapajj jaytarpayasin jaltjjapjjäna.

2 Corintios 12:7

Uca uñachayäwinacasti wali muspharcañaraquïnwa, ucampis ucatjja jan nayan jach'a jach'a tucuñajjataquejj mä t'akhesiñwa nayajj catokta mä ch'aphir uñtata. Ucasti Supayan qhitapawa nayar t'akhesiyitu.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

1 Samuel 8:2

Jilïri yokapasti Joel satänwa, ucjjarüqui ucasti Abías sataraqui, jupanacasti Beerseba sisqui uca chekanwa apnakapjjaraquïna.