1 Reyes 19:5 - Qullan Arunaca

⁵ Ucatsti retama ali mankheru mantasinwa, icjawayjjäna. Ucampis mä angelaw purinisina llamct'äna aqham sasa: “Sartasim, ucatjja mank'asim” sasa.

Aymar Bibliia 1986

⁵ Ucatsti retama ali mankheru mantasinwa, icjawayjjäna. Ucampis mä angelaw purinisina llamct'äna aqham sasa: “Sartasim, ucatjja mank'asim” sasa.

Qullan Arunaka DC

⁵ Ukatsti retama ali thiyan ikjawayxäna. Ukampis mä angelaw purinisin llamkt'äna akham sasa: “Sartasim, ukat manq'asirakim” sasa.

1 Reyes 19:5 Jak'a apnaqawi uñst'ayäwi

1 Reyes 19:4

Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

1 Reyes 19:6

Eliasajj take toke uñatatasïna, ucatsti uñjänwa ch'ijmañapana nina sanc'aru khatit mä tortampi, uqhamarac mä wayucha umampi. Ucatjja sartasisinjja mank'änwa, uqhamarac umt'araquïna; ucatsti wastataw icjawayjjäna.

Salmos 34:10

Kamirinacajj jan cunaniruw tucupjje, mank'at t'akhesipjjaraqui, Tatitur thakerinacasti janiw cunats t'akhesipcaniti.

Salmos 34:7

Tatitun angelapaw iyawsirinacarojj uñjasqui, Tatitur wakaychirinacarusti imascaraqui.

Daniel (hebreo) 8:19

aqham sasa: ‘Jichhasti khanañchämaw cunatejj lurascani Diosan colerasiñapa uru tucuscani ucapachajja, aca unañchäwi uñjcta ucasti uca tucuya urunacatwa parli.

Daniel (hebreo) 9:21

Uqhama mayisquipansti, Gabriel sat angelawa cawquïritejj unañchäwi uñjcäyät ucan uñstquitäna ucaw cawqhancäyättejj ucqharu juti. Uca horasasti niya Diosar jayp'u sacrificio loktañ horasänwa.

Zacarías 4:1

Ucatsti cutt'aniraquïnwa nayamp parlcän uca angelajja, sartayaraquituwa cunjämatï maynejj iquïwit sartejja uqhama. Jisct'araquituwa:

Hechos 12:7

Uca arumasti acatjamat Tatitun angelapajj Pedror carcelan uñstäna. Mä jach'a khanaraquiw ucanjj khantäna. Angelasti maysäjjat jupar llamct'asinwa iquit sartayäna, ucat saraquïna: “Mäqui sartam” sasa. Ucspachaw Pedron amparanacapatjja chinuntat cadenanacajj jarartawayäna.

Hebreos 1:14

Take angelanacaw ajayüpjje Diosar sirviñanjja, ucanacasti qhitinacatejj khespiyasiñ catokapcani ucanacar yanapt'añatac qhitanitäpjjewa.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.