1 Pedro 1:14 - Qullan Arunaca

¹⁴ Ist'asir wawanacjamajja, jan munañanacamarjam sarnakapjjamti, cunjämtï janïra Diosar uñt'casajj sarnakapcäyätajj uqhamjja.

Aymar Bibliia 1986

¹⁴ Ist'asir wawanacjamajja, jan munañanacamarjam sarnakapjjamti, cunjämtï janïra Diosar uñt'casajj sarnakapcäyätajj uqhamjja.

Qullan Arunaka DC

¹⁴ Ist'asir wawanakjamaxa, jan munañanakamarjam sarnaqapxamti, kunjämtix Tatitur janïra uñt'kasax sarnaqapkäyäta ukhama.

1 Pedro 1:14 Jak'a apnaqawi uñst'ayäwi

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Romanos 12:2

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Romanos 6:4

Chekpachansa Cristompi chicaw bautismo toke jiwasanacajj imantatäjjtanjja, ucatsti jiwatäjjaractanwa, ucat jactasina mä machak jacañan jacañataqui, cunjämtejj Cristojj jactawaycäna Dios Awquin jach'a ch'amap laycu uqhama.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Efesios 5:6

Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

Deuteronomio 27:10

Uqhamasti jumanacajj jaysapjjam, camachi arunacaparjama, leyinacaparjama sarnakasa.”

1 Tesalonicenses 4:5

Jan sarnakapjjamti jan wali amtañ chuymampejja, cunjämtejj jan Diosanquirinacajj lurapqui uqhamjja.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.