1 Pedro 1:13 - Qullan Arunaca

¹³ Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

Aymar Bibliia 1986

¹³ Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

Qullan Arunaka DC

¹³ Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

1 Pedro 1:13 Jak'a apnaqawi uñst'ayäwi

1 Reyes 18:46

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

2 Reyes 4:29

Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Job 38:3

Jichhajj jan ajjsarirïtam uñacht'ayita, ucatsti aca jisct'anacaru arusjjataraquita.

Job 40:7

“Jichhajj jan ajjsarirïtama uñacht'ayita, ucatsti cuna jisct'anactejj jisct'cäma ucanacaru arsuniraquim.

Éxodo 12:11

Aqhamaw mank'apjjät; isinacamampi isthapita, cayunacamarusa wisqhumpi wisqhuntata, uqhamarac amparanacamarus thujru ayt'ataraqui. Jumanacasti mäquiw mank'antapjjäta Tatitojj uca pascua fiestan jilïri wawanacar jan jiwarayatap laycu.

Isaías 11:5

Chekaparu uñjaña cancañampi, suma chuymampi isthapitaw sararaquini.

Jeremías 1:17

Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Mateo 20:4

Jupanacarusti saraquiwa: ‘Jumanacas sarapjjaraquim nayan yapojjaru irnakeri, pagapjjämawa cunatejj waquisqui uca’ sasa. Jupanacasti sarapjjewa.

Lucas 12:35

“Waquicht'asit suyt'apjjam isthapita, lamparanacams khantayasisa.

Lucas 17:30

Uqhamäniwa Jaken Yokapajj uñstancani ucürunjja.

Lucas 17:8

Janiwa, jan ucasti juparojj saniwa: ‘Mank'a phayam, janc'ac wact'ayam nayan mank'añajjataqui umañajjataquiraqui; ucjjaruw jumajj mank'ascäta, umascätasa’ sasa.

Romanos 13:13

Sarnakäwinacasajj khananquirinacanjamäñapawa, jan machañanacanjj jacañäniti, janiraqui jach'a mank'äwinacansa, ni wachoka jucha lurañanacansa, ni cuna casta quejanacansa, ni envidiasiñanacansa.

Romanos 8:19

Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca.

1 Corintios 1:7

Uqhamatsti janiraquiw cuntejj Diosajj churqui uca bendicionanacatjja cunas pist'apctamti, ucchañcamasti jumanacajj Tatitojj jutcani uca urwa suyt'asipcaracta.

1 Corintios 13:13

Uqhamapï iyawsañasa, suyt'añasa, munasiñasa jan tucuscanitejja, ucampis aca quimsatjja munasiñapuniw jilt'atajja.

Efesios 6:14

Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

Colosenses 3:4

Pachpa Cristow jiwasan jacañasajja. Cunapachatejj jupajj uñstancani ucqhajja, jupa chicaraquiw uñstapjjäta, khapak marcapansti jupampïpjjaraquïtawa.

2 Tesalonicenses 1:7

Ucatsti chekaraquiw jumanac t'akhesirinacar samarañ churañataqui, uqhamarac nanacarusa, cunürutejj Tatit Jesusajj uñstancani alajjpachat nina taypina ch'amani angelanacapampi jutcani ucapachajja.

2 Timoteo 4:5

Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Hebreos 10:35

Uqhamajj janiy iyawsañanacamjja chhaktayasipjjamtejja, uca iyawsañasti mä jach'a wajjt'äwi utjayani.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 6:19

Uca suyt'äwiw sum catjjäsistu uqhamarac almasa uñjaraqui, cunjämatejj anclajj mä barcorojj catjjäsejja uqhama. Jiwasan utjquistu uca suyt'äwejj alajjpach templon cortinap khepäjjan suma acht'ayatawa,

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

1 Pedro 1:10

Aca khespiyasiñjjatsti, nayra profetanacajj wali sumwa yatjjatapjjäna, uqhamarac cuntejj Diosajj qhuyapayasiñapanjja jumanacar churcanejja uca tokenacatsa parlapjjaraquïna.

1 Pedro 3:15

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

1 Pedro 5:12

Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.