1 Pedro 1:15 - Qullan Arunaca

¹⁵ Ucampis jichhajj k'oma jacañanpun jacjjapjjam, jumanacar jawsir Diosasti kollanätap laycu.

Aymar Bibliia 1986

¹⁵ Ucampis jichhajj k'oma jacañanpun jacjjapjjam, jumanacar jawsir Diosasti kollanätap laycu.

Qullan Arunaka DC

¹⁵ Ukampis jichhax kunjämtix jumanakar jawsir Tatitux qullanäki, ukhamarakiy jumanakax q'uma jakañan jakxapxam.

1 Pedro 1:15 Jak'a apnaqawi uñst'ayäwi

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Mateo 5:48

Asquïpjjamaya, cunjämatejj alajjpachanquir Awquimajj asquïqui uqhama.

Romanos 9:24

Diosawa jawsistu, mayninacjja judionacata, mayninacsti jan judiöpquis ucanacata.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

Filipenses 3:20

Ucampis jiwasanacajj alajjpachanquir jakenacäpjjtanwa, Khespiyiri Cristo Tatitun alajjpachat jutañapwa suyasipcaractanjja.

1 Tesalonicenses 2:12

Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Tito 3:14

Uqhamaraqui jiwasanquirinacajj yatekapjjpan asqui luraña, yanapt'añansa pist'ayasiñ horasanacajja, jacäwinacapan asquïñapataqui.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Santiago 3:13

Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.

Apocalipsis 3:7

“Filadelfia iglesian angelaparojj kellkasin apayaraquim: ‘Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.