1 Corintios 5:1 - Qullan Arunaca

¹ Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.

Aymar Bibliia 1986

¹ Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.

Qullan Arunaka DC

¹ Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

1 Corintios 5:1 Jak'a apnaqawi uñst'ayäwi

Génesis 35:22

Mä uru Israelajj uca chekan jaccäna ucqhajja, Rubenajj Bilha warmin ucaruw saratayna, ucatsti ucampiw iquintatayna, uca warmisti awquipan uñt'atapänwa. Uc yatisinsti Jacob awquipajj walpun colerasïna. Jacobon wawanacapajj tunca payanïnwa.

Génesis 37:2

Acaw Jacobon familiapan sarnakäwipajja. Cunapachatejj Joseajj tunca sojjtan maranëjjän ucqhajj, jilanacapampi chicaw ovejanac awatirïna, Bilha, uqhamarac Zilpa sisqui uca awquipan uñt'atanacapan yokanacapamp chica. Joseasti awquiparojj avisapunirïnwa cuna jan walinactejj jilanacapajj lurapjjerïcän ucanacjja.

Génesis 49:4

Ucampisa jichhajj janiw nayrïrïcjjätati, jumasti ch'amampi jalir umar uñtasitätam laycu. Jumasti iquiñajjwa k'añuchayätajja uñt'atajjampi iquintasajja.

2 Samuel 16:22

Uqhamasti Absalonataquejj azotea pataruw mä carpa carpt'arapipjjäna, ucanwa Absalonajj awquipan warminacapampi iquintasiraquïna; take israelita jakenacan uñjcaña

2 Samuel 20:3

Cunapachatejj Davidajj palacioparu, Jerusalén marcat cuttanjjän ucapachasti, cawquïri tunca uñt'atanacaparutejj palacio uñjapjjañapataqui jaytawaycataynasa ucanacwa irptasjjäna, ucatsti mä utaruw irpantayjjaraquïna, wali suma guardiataraqui. Ucanwa jupanacarojj uñjayascäna, ucampisa janiraquiw maynirusa warmiscänti. Uqhamaw jupanacajj ucan jacapjjäna, jist'antata, ijma warminacjamaraquiw jacapjjäna jiwaña urunacapcama.

1 Crónicas 5:1

Israel chachan Rubén sat jilïr yokapan wawanacapasti acanacänwa: Hanoc, Falú, Hezrón, Carmi ucanacaraqui. Rubén ucaw chekpachana jilïr yokall wawänjja, ucampis jilïrïña cancañjja apt'awayiwa awquipan warmipampi sarnakatap laycu. Uca jilïr cancañasti Josean wawanacaparuw pasawayjjäna, ucasti Israelan yakha yokaparaquïnwa. Ucampis Judá chachasti jilanacapat sipansa juc'amp ch'amaniw tucjjäna, jupataracwa mä jilïrejja misturaquïna; ucampis jilïri yokall wawan jilïr cancañapasti Josearuw wact'äna.

Jeremías 2:33

“Cunapachatejj yakha chacha thakeri sarcta ucapachasti cawqui chekatejj sarañäqui ucjja sumwa uñjtajja! ¡Ñankha lurañataquisti walipunïtawa!

Ezequiel 16:47

Jumasti, jupanacjamaw luraractajja, cuna k'añu luräwinactejj jupanacajj lurapcän ucanacwa luraractajja. Ucanacampi jan sisthapisasa, juman sarnakäwinacamajj jupanacan sarnakäwinacapat sipansa juc'ampi jan walïnwa.

Ezequiel 22:10

Yakhepa jakenacasti pachpa awquipan warmipampiw jucha lurañan sarnakapjjaraqui, jan ucajj pachpa warmipampisa cunapachatejj phajjsi wilapampïsipqui ucapacha.

Levítico 18:8

“Jan awquimarojj ñankhachamti, warmiparu warmisisajja.

Levítico 20:11

“Maynitejj awquipan warmipampi iquintchi ucasti awquiparuwa ñankhachasqui. Uca laycu ucanacasti chachamppacha, uqhamarac warmimppacha jiwayatäñataqui juchañchatäñapawa, uqhamarusa jupanacawa jiwatapatjja juchanïsipcani.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Hechos 15:29

Yakha diosanacar loktatäquis ucanacjja jan mank'apjjamti. Janirac wilsa mank'apjjamti, ni cuncat jaychjat jiwayat uywanacsa. Janirac wachok jucha lurañansa sarnakapjjamti. Uca lurañanactejj apanucupjjätajja, jumanacataquejj wali sumäniwa. Walic jilatanaca.”

1 Corintios 1:11

Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

1 Corintios 5:11

Jan ucasti sapjjäyäsmawa: “Jan chicachasipjjamti qhititejj iyawsirïcasina wachoka juchan sarnakasqui, mich'asisqui, yakha diosanacar yupaychasqui, arunac apnakasqui, machasqui, lunthatasisqui ucanacampejja. Janiraquiw ucanacampejj mank'apjjañamäquisa.”

1 Corintios 6:13

Chekapunïsquiwa cuntï sapqui: “Mank'ajj puracataquiwa, puracasti mank'ataquiraqui” sasajja; ucampis Diosajj paypachwa tucjani. Janiw janchejj wachoka juchataquïquiti, jan ucasti Tatitutaquiwa, Tatitusti janchitaquiraqui.

1 Corintios 6:18

Jithektapjjam wachoka jucha lurañatjja. Cawquïr yakha jucha lurañasa janiw janchimpi luratäquiti, ucampis wachoka jucha lurañajj pachpa janchimpi jucha lurañawa.

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

2 Corintios 12:21

Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.

2 Corintios 2:5

Qhititejj nayaru llaquisiyquitu ucajj janiw nayaruquiti llaquisiyquitojja, jan ucasti mä toketjja jumanacarus llaquisiyapjjaractamwa. “Mä toketjja” sistwa jan juc'ampi khorüñajjataqui.

2 Corintios 7:12

Uqhamapï, cunapachatï uca carta kellkanipcäyäsma ucqhajja, janiw nayajj uca jan wali lurir jaketjja amtcäyätti, ni uca luratat t'akhesir jaketsa lup'caraquïyätti, jan ucasti Dios nayrakatan jumanacan nanacat llaquisipjjatanacama uñstayañataqui.

Gálatas 5:19

Qhitinacatejj jan wali luräwinacan khepap arcapjje ucanacan luräwinacapajj khanaw uñsti. Ucanacasti acanacawa: wachoka jucha lurañanaca, k'añu lurañanaca, vicionaca,

Efesios 5:3

Jumanacajj Diosanquirïpjjstajjaya, janiw utjañapäcjjeti wachoka jucha lurañanacajj, cuna casta jan wali luräwinacasa ni mich'asiñanacasa.

Deuteronomio 22:30

“Janiw cawquïri jakes awquipan warmipampejj iquintañapäquiti, uca luräwimpisti quipca awquiparu p'enkachatap laycu.

Deuteronomio 27:20

‘Maldicitäpan awquipan warmipampi iquintirejja, uqham luratapampejj awquiparu p'enkachayatap laycu.’ Ucatsti takpach marcaw sani: ‘Uqhamäpan’ sasa.

Colosenses 3:5

Aca oraken jucha lurañanacajj jumanacan utjqui ucanacasti jan utjcjjpanti: jan qhitis yakhampi wachoka juchan sarnakpati, janirac k'añu luräwinacsa lurpati, janirac jañchipan munañanacapsa, ni jan wali amtatanacapsa lurpati, janirac mich'äpasa (ucasti c'ari diosanacarus yupaychcsna uqhamaraquiquiwa).

1 Tesalonicenses 4:7

Diosajj jupar catuyasita k'oman jacañasataquiw jawsistu, janiw juchan jacañasataquiti.

Apocalipsis 2:21

Nayajj uca warmirojj tiempo churta arrepientisiñapataqui, uqhamarac wachoka juchan sarnakañapsa apanucuñapataqui, ucampis jupajj janiw arrepientisiñ munquiti ni juchapsa apanucuñ muncaraquiti.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

1 Samuel 2:24

Wawanaca, janiw walïquiti uqhama jan walinaca lurapjjatanacamajja. Janiraquiw walïquiti cuntejj Tatitun marcapajj jumanacjjata parlas sarnakapqui ucajja.