1 Corintios 4:21 - Qullan Arunaca

²¹ ¿Cunsa jichhajj jumanacajj jutcä ucqhajj munapjjta? Purinisinjja, ¿mutuyapjjämati, jan ucajj sumampiquicha purinëjja?

Aymar Bibliia 1986

²¹ ¿Cunsa jichhajj jumanacajj jutcä ucqhajj munapjjta? Purinisinjja, ¿mutuyapjjämati, jan ucajj sumampiquicha purinëjja?

Qullan Arunaka DC

²¹ ¿Kunsa jichhax jumanakax jutkä ukkhax munapxta? Purinisinxa, ¿mutuyapxämati, jan ukax, munasiñampi, suma chuymamp tumpt'ayasiñcha munapxtaxa?

1 Corintios 4:21 Jak'a apnaqawi uñst'ayäwi

1 Corintios 4:18

Jumanacatjja yakhepanacajj wali jach'a jach'aw tucupjje, amuyapjjaraquiwa nayajj janis mayampsa jumanacar cuttancjjeristjja uqhama.

1 Corintios 5:5

Uca jakesti Supayaru catuyatäñapawa janchipajj t'unjatäñapataqui, uqhamat almapajj khespiyatäñapataqui Tatitojj jutcani uca urojja.

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 10:6

Ucatsti nanacajj take qhitinacatejj jan wal sarnakqui ucanacar mutuyañataquejj janc'aquïsipctwa, jumanacatejj sum sarnakapjjät ucqhajja.

2 Corintios 10:8

Inas nayajj jumanacjjar munañanïtajj wayt'apjjchïma, ucatjja janiw cunat p'enkasiñajjas utjquiti. Nanacarusti Tatituw churapjjaraquitu munañanïpjjañajj-jja jumanacar Tatit token jiltayañataqui, janiw jumanacar t'unjañataquiti.

2 Corintios 12:18

Titoruw jumanacar uñjt'añataquejj qhitanipjjsma, jupamp chicsti mayni jilataruraquiw qhitanipjjaracsma, ¿Titoch sallkjapjjtamjja? ¿Janit nanacasti panpachani jumanacan nayrakataman mä sapa amtañaniqui sarnakapctsti?

2 Corintios 13:10

Aca cartjja kellkanipjjsmawa janïra jumanacar uñjir jutcasa, cunapachatï nayajj jutcä ucqhajj jan munañanïñajj cancañampi khoru tucuñajjataqui. Uca munañanïñsti Tatituw churitu jumanacar ajayu tokena jiltayañataqui, janiw t'unjañataquiti.

2 Corintios 13:2

Nayra juchañchasirinacarusa uqhamarac takenirusa, jichhajj jayanccasinjja amtayapjjsmawa cuntï payïrin jutcäyat ucqhajja yatichapcsmas uca; jichhasti wasitat jumanacar jutcä ucqhajj janiw qhititsa qhuyapt'ayascäti.

2 Corintios 2:1

Ucatwa nayajj amtta jan jumanacarojj mayamp tumpir jutañajjataqui jan llaquisiyañ laycu.

2 Corintios 2:3

Ucatwa uqham kellkanipjjsma cunjämtï lurcta uqhama. Janiraquiw nayajj jumanacan llaquisiyatäñataqui sarañ muncäyätti. Ucat sipan jumanacajj nayarojj cusisiyapjjañamawa. Yatiraquiyätwa nayan cusisiñajjat jumanacajj cusisipjjañanacamjja.

2 Corintios 3:10

Uca nayra leyejj wali jach'äcchïna ucasa, aca jichha machak jach'a leyitaquejj ucajj janiw cunäcjjesa.

Gálatas 6:1

Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

1 Tesalonicenses 2:7

Ucampis, jumanacarojj munasiñ chuymampiw uñjapjjsma, cunjämatejj mä taycajj wawanacaparu uywi, uñjaraqui uqhama.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.