1 Corintios 5:1 - Qullan Arunaka DC

¹ Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

Aymar Bibliia 1986

¹ Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.

Qullan Arunaca

¹ Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.

1 Corintios 5:1 Jak'a apnaqawi uñst'ayäwi

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

Génesis 37:2

Akaw Jacobun wila masipan sarnaqäwipaxa. Joseax tunka paqallqun maranïskän ukkhaxa, jilanakapamp chikaw ovejanak awatirïna, uka jilanakapasti Bilhá, Zilpá warminakan wawanakapänwa, uka warminakasti awkipan uñt'atanakapänwa. Joseasti kuna jan walinaktix jilanakapax lurapxirïkän ukanak awkiparux yatiyapunirïnwa.

Génesis 49:4

Ukampisa jumax jan walpun ñanqhachistaxa, uñt'atanakaxat maynïrimpiw ikintastaxa. Jichhasti janiw nayrankirïkxätati, jumasti jan jark'kay jach'a qutar uñtatätawa.

2 Samuel 16:22

Ukat Absalonatakix uta patar mä carpa lurt'arapipxäna, ukan Absalonax awkipan uñt'at warminakapamp ikintasïna; taqpach israelita jaqinakan uñjkaña.

2 Samuel 20:3

Kunapachatix Davidax Jerusalenan utjir reyi utapar purkän ukapachasti, reyi uta uñjapxañapatak jaytawaykatayna uka tunka uñt'at warminakaparux, mä utaruw irpantayäna, ukarusti uñch'ukirinak ucharakïna. Davidax ukan jupanakarux uñjayaskäna, ukampis janiw maynirus warmiskänti. Ukhamaw jupanakax ukan jist'antatäpxäna, ijma warminakjamarakiw jiwañ urunakapkam jakapxäna.

1 Crónicas 5:1

Israel chachan Rubén sat jilïr yuqapan wawanakapa: Hanoc, Falú, Hesrón, Carmí. Chiqpachansa Rubén chachaw jilïr yuqapänxa, ukampis awkipan warmipamp sarnaqasaw jilïr kankañap apt'asïna, jupan jilïr kankañapax Josean wawanakapar churatäxänwa, Joseasti Israel chachan maynïr wawaparakïnwa. Ukatsipana, Judá chachax jilanakapat sipan juk'amp munañaniw tukxäna, jupatarak mä jilïris mistüna; ukampis jilïr kankañapax Josear churatänwa.

Jeremías 2:33

“¡Jumasti Judá, yaqha chachanak jikxatañatakix kusapunïtawa! ¡Yaqha chachanakampi sarnaqir warminakas jumat yatiqasipxi!

Ezequiel 16:47

Jumasti, jupanakjamarakiw q'añu luräwinakapa lurtaxa. Ukanakampi jan sisthapisasa, juman sarnaqäwinakamax jupanakan sarnaqäwinakapat sipan juk'ampi jan walïnwa.

Ezequiel 22:10

Yaqhip jaqinakax pachpa awkipan warmipampiw wachuqa jucha lurapxi, jan ukax phaxsi wilan warmimpiw ikintasipxi.

Levítico 18:8

“Awkimarux jan ñanqhachamti warmipar warmisisaxa.

Levítico 20:11

“Maynitix awkipan warmipar warmischi ukasti, awkiparuw ñanqhachaski. Uka layku, chachamppacha, warmimppach jiwayatäñatak juchañchatäñapawa, ukhamarus jupanakpachaw jiwatapat juchanïsipkani.

Amós 2:7

Jan kunan jaqinakarusti wali t'aqhisiyañampiw jisk'achapxi, llamp'u chuyman jaqinakarux janiw chiqapar uñjapkiti. Awkis, yuqas, pachpa warmimpiw ikintasipxi, ukhamat nayan Qullan sutix takichasipxi.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

1 Corintios 1:11

Munat jilatanaka, Cloen utapankir wila masipaw yatiyapxitu, jumanak taypin ch'axwanak utjatapa, ukat ak sista.

1 Corintios 5:11

Jan ukasti, sapxäyäsmawa: Cristor iyawsirïkasin wachuq juchan sarnaqaski, mich'asiski, yaqha diosar yupaychaski, ñanqhachaski, machaski, lunthatasiski ukanakampix jan chikachasipxamti, sasa. Ukham jaqinakampix janipun manq'apxamsa.

1 Corintios 6:13

Sapxarakiwa: “Manq'ax purakatakiwa, purakasti manq'atakirakiwa” sasa. Ukax chiqakïskiwa, ukampis Diosaw paypach tukjani. Ukatsipana, janchix janiw wachuq jucha lurañatakïkiti, jan ukasti, Tatitutakiwa, Tatitusti janchitakirakiwa.

1 Corintios 6:18

Ukhamasti, wachuq jucha lurañat jithiqtapxam. Kuna yaqha juchsay mä jaqix luraskpan, janiw janchiparux ñanqhachkiti; ukampis wachuq jucha lurañar katuyasirixa, pachpa janchipatakiw juchachasi.

1 Corintios 6:9

¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

2 Corintios 12:21

Axsararaktwa, inas jutirin wasitat tumpapkäma ukapachaxa, Diosax jumanakat mä p'inqa uñjasiychitani, ukat inas jumanakat waljani nayratpach juch lurasipkatamat jachañaxächini, q'añu jakañanaksa, wachuq juchan sarnaqañanaksa, jan wali lurañanaksa janirak apanukupktati uka layku.

2 Corintios 2:5

Maynitix nayar llakisiychitu ukaxa, janiw nayaruk llakisiykituti, jan jiljañampi arsusasti, taqi jumanakaruw llakisiyapxaraktam.

2 Corintios 7:12

Ukhamasti kunapachatix uka qillqat apayanipksma ukkhasti, janiw nayax chuyma usuyir jaqit lup'isa qillqankti, janirakiw chuyma usuchjat jaqit lup'isas qillqankti, jan ukasti, Diosan nayraqatapan nanakat llakisipxatam uñachayañatakiw qillqanipxsma.

Gálatas 5:19

Janchin munañaparjam arkirinakan luräwinakapax qhanaw uñsti, ukanakasti akanakawa: wachuq jucha lurañanaka, q'añu lurañanaka, jan wali amtäwinaka,

Efesios 5:3

Jumanakasti qullan markankirjamaw sarnaqapxañama: wachuq jucha lurañatsa, yaqha q'añu lurañanakatsa, mich'asiñatsa janipun parlapxamti.

Deuteronomio 22:30

30 (1) “Janiw khiti jaqis awkipan warmipampix ikintañapäkiti, ukham lurasasti kipka awkiparuw p'inqachaski.

Deuteronomio 27:20

“ ‘Ñanqhachatäpan awkipan warmipampi ikintirixa, ukham luratapampix awkiparuw p'inqachayi.’ Uka arsutarusti taqpach markaw sani: ‘Ukhamäpan’ sasa.

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

1 Tesalonicenses 4:7

Diosax janiw juchan jakañasatak jawskistuti, jan ukasti q'uman jakañasatakiw jawsistu.

Apocalipsis 2:21

Nayax uka warmin kutikipstañap suyta; jupasti janiw jaysaskiti, janirakiw k'ari diosanakar iyawsañap apanukuñ munkiti.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

1 Samuel 2:24

Wawanaka, janiw akch'as walïkiti Tatitun markapan jumanakxat ukham parlapxatapaxa.