Efesios 4:3 - Aymar Bibliia 1986

³ Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.

Qullan Arunaca

³ Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.

Qullan Arunaka DC

³ Qullan Ajayut jutki uka mayacht'asiñ katxäsipxam, sumankañ tuqiw taqinir mayachapxtam.

Efesios 4:3 Jak'a apnaqawi uñst'ayäwi

1 Reyes 16:21

Ucatsti Israel marcajj payaruw jaljtäna, mayninacasti Ginat chachan Tibni yokapar jakcattatäpjjänwa juparu reyita uchañataqui, mayninacasti Omri chachar jakcattatäpjjaraquïnwa.

Éxodo 28:32

ucasti chicachicarojj p'iyjatäñapawa p'eke waysuñataqui. Uca p'iya thiyanacasti suma doblantatäñapawa, mä suelat lurata chalecjama, uqhamata jan ch'iyjtañapataqui.

Eclesiastés 4:12

Mayni sapajj atipjatäspawa, ucampis paninejj atipapjjaspawa, uqhamaraqui quimsat c'anat wisqhajj janiw mäqui t'akascaspati.

Marcos 3:24

Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.

Juan 13:34

Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

1 Corintios 1:10

Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

Efesios 4:13

Uqhamat takenis iyawsäwinjja mayaquïñaru puriñasataqui, uqhamarac Diosan Yokaparu uñt'añansa. Ucatsti ch'amani jakenacaw tucuñäni, Cristojj kawkch'äquitejj ucar puriñascama.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

1 Tesalonicenses 5:13

Sum uñjapjjañamawa, irnakatanacapatjja wal munasipjjañamaraquiwa. Sumancañan jacapjjam maynit maynicama.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.