Lucas 2:7 - Qullan Arunaka DC

Ukat jupax tayna yuqall wawap wawachasïna, ukatsti wawa isinakar k'irt'asaw mä uywa manq'añawjar ikt'ayäna, qurpachasiñ utan jupanakatak jan utjatap layku.

Aymar Bibliia 1986

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Qullan Arunaca

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Lucas 2:7 Jak'a apnaqawi uñst'ayäwi

Génesis 42:27

Arum samart'añatak mä chiqar purisinsti, jupanakat maynïrix asnopar manqt'ayañatakiw costalap jararäna, ukatsti qullqipan ukankaskatap uñjarakïna.

Génesis 43:21

ukampis ikt'añatak mä chiqawjar purisasti, costalanakax jararasipxta, ukatsti costalanakaxan qullqi jikxatapxta, sapa mayni nanakan qullqinakaxaw ukankäna. Qullqix phuqhatäskataynawa, jichhasti apanxapxtwa,

Salmos 22:6

6 (7) Nayasti janiw jaqïkti, laq'ur uñtatakïtwa, ¡jaqin p'inqachatakïtwa!

Éxodo 4:24

Thakhi sarkasinsti, Moisesamp wila masinakapampix, mä chiqawjaruw ikt'añatak qhiparapxäna. Ukan Tatitux Moisesar jikxatasin jupar jiwayañ munäna.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Mateo 1:25

Ukampis wawanïñapkamax janiw chacha warmjam mayachasipkänti. Wawarusti JESÚS sasaw sutichäna.

Mateo 13:55

¿Janit jupasti José k'ullu khithun yuqapäkisti? ¿Janit taykapasti María satäkisti? ¿Janit jupasti Santiago, José, Simón, Judas ukanakan jilapäkisti?

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Lucas 10:34

Jupar jak'achasisinsti, usuchjatanakap aceitempi vinompi qullxatt'asaw ch'uqxatt'äna. Ukatsti uywapat mä qurpachasiñ utaruw apäna, ukan jupar uñjarakïna.

Lucas 2:6

Jupanak Belén markankkïpan Marian usxañap urux purinxäna.

Lucas 2:8

Belén marka jak'ansti, awatirinakaw uka arumax ovejanakap uñjasipkäna.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Gálatas 4:4

Ukampis arsut urux phuqhasiwayki ukapachaw, Diosax Yuqap khithani, mä warmit yurisa, judío jaqjamaw kamachi arunakar phuqhas jakarakïna.