Juan 1:14 - Qullan Arunaka DC

¹⁴ Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Aymar Bibliia 1986

¹⁴ Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Qullan Arunaca

¹⁴ Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:14 Jak'a apnaqawi uñst'ayäwi

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 45:2

2 (3) ¡Jaqinakat sipan juk'ampi sumätawa! ¡Lakamat munayasiñ arunakax mistsuski! Tatitusti wiñayatakiw askinak churtam.

Salmos 85:9

9 (10) Diosax jak'asankapuniwa, iyawsirinakapar qhispiyañatakixa; qhapaq kankañapasti uraqisan utjasini.

Isaías 40:5

Ukapachaw Tatitux jach'a ch'amap uñacht'ayani, taqi jaqinakarakiw uñjapxani. Pachpa Tatituw ukham arsu.”

Isaías 53:2

Tatituw jupan luqtiripan mä machaq alir uñtat jilañap muni, waña uraqirus saphintañap munaraki. Janiw jupax jiwakïkänti, janiw jach'äkarakïnsa, uñnaqapasti janiw munañjamäkänti;

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Ezequiel 37:27

Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.

Mateo 1:16

Jacobux Josean awkipänwa, Joseasti Marian chachapänwa, uka Mariaw Jesusan taykapaxa, Cristo sapktan ukana.

Lucas 2:11

Jichhürux mä Qhispiyiriw Davidan markapan jumanakatak yuri, jupasti CRISTO Tatituwa.

Lucas 2:7

Ukat jupax tayna yuqall wawap wawachasïna, ukatsti wawa isinakar k'irt'asaw mä uywa manq'añawjar ikt'ayäna, qurpachasiñ utan jupanakatak jan utjatap layku.

Lucas 9:32

Pedrompi masinakapampisti, ikimpi atipjatäpkchïn ukasa, uñnaqasipkakïnwa, ukat jupanakax Jesusan jach'a qhanap uñjapxäna, ukhamarak Jesusampi chikäkän uka pani jaqirusa.

Juan 1:1

Arux qalltan utjapunïnwa, khä Arusti Diosampïnwa, uka Arusti Diosarakïnwa.

Juan 11:40

Ukampis Jesusax saskakïnwa: —¿Janit nayasti sisksma, jumatix iyawsäta ukax, Diosan jach'a ch'amap uñjäta sasasti?

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 14:9

Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Juan 17:22

Kamisatix jumax nayar ch'am churkista uka pachpa ch'amarak jupanakar nayax churta, jupanakan mayar tukutäpxañapataki, kamisatix jumampi nayampix mayakïtan ukhama.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Juan 18:37

Ukatsti Pilatox Jesusar jiskt'änwa: —¿Ukhamasti jumax Reyïtati? —sasa. Jesusasti sänwa: —Jumaw nayan Reyïtax arsusktaxa. Nayax ukatakiw yurta, kunatix chiqäki uk yatiyiriw akapachar jutta. Taqi khitinakatix chiqan sarnaqki ukanakax nayan arux ist'apxi —sasa.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:18

Khititix Diosan Yuqapar iyawski ukax, janiw juchañchatäkiti, khititix jan iyawski ukasti niya juchañchatäxiwa, Diosan mä sapa Yuqapar jan iyawsatap layku.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Juan 8:32

chiqa kankañ uñt'apxäta, ukatsti uka chiqa kankañaw qhispiyapxätam.

Hechos 13:33

Uksti jiwasa, jupan wawanakaparux Diosax arsutap phuqhistuwa, Jesusar jaktayasa, kamisatix payïr Salmo q'uchun qillqatäki ukhamarjama: ‘Jumaw nayan wawaxätaxa; nayaw jichhax jumar jakañ chursma’ sasa.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

Romanos 9:5

Jupanakax nayra awkinakasan wawanakapawa; Cristox janchi tuqin jupanak taypit juti, jupasti taqi kunxar Diosawa, wiñayatak yupaychatäpan. Ukhamäpan.

1 Corintios 15:47

Nayrïr chachax laq'at luratänwa; payïr chachasti alaxpachat jutiriwa.

2 Corintios 12:9

ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

Gálatas 4:4

Ukampis arsut urux phuqhasiwayki ukapachaw, Diosax Yuqap khithani, mä warmit yurisa, judío jaqjamaw kamachi arunakar phuqhas jakarakïna.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:19

Diosax Criston taqi ch'ama utjañap munäna,

Colosenses 2:3

taqi yatiñasa, amuyt'asiñasa Cristonak utji.

Colosenses 2:9

Kunäkitix Diosax ukasti Criston uñsti,

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 1:5

Diosax janiw kawkïr angelarus siskiti: “Jumax nayan Yuqaxätawa; nayaw jichhürux jakañ chursma” sasa. Janirakiw kawkïr angelatsa siskiti: “Nayaw jupan awkipäyä. Jupasti nayan wawaxäniwa” sasa.

Hebreos 10:5

Ukat Cristox akapachar jutasax Diosar säna: “Janiw jumax wilañchanaksa, waxt'äwinaksa munktati, jan ukasti nayarux mä janchi churista.

Hebreos 2:11

Q'umachatanakasa, q'umachiris taqiniw pachpa Awkinki. Ukat Diosan Yuqapax “Jilatanaka” sañ jan p'inqaskiti,

Hebreos 5:5

Uka pachparakiwa, Cristox janiw jupan munañapat Jilïr sacerdotet utt'askänti, jan ukasti, Diosaw juparux jach'ar aptäna, sarakïnwa: “Jumax nayan wawaxätawa; nayaw jichhürux jakañ chursma” sasa.

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

1 Juan 4:9

Diosax jupan mä sapa Wawap akapachar khithanisaw munasiñap uñacht'ayistu, ukhamat jiwasax jupïpan wiñay jakañanïñasataki.

2 Juan 1:7

Ukampis walja sallqjirinakaw akapachan sarnaqi, jupanakax janiw Tatit Jesucriston chiqpach jaqir tukus jutatap iyawsapkiti. Ukham jan iyawsirinakax sallqanakawa, anticristorakiwa.

Apocalipsis 19:13

Wilampi wilachsut isinïnwa, sutipasti: “Diosan Arupa” satänwa.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.