2 Corintios 8:9 - Qullan Arunaka DC

⁹ Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Aymar Bibliia 1986

⁹ Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Qullan Arunaca

⁹ Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

2 Corintios 8:9 Jak'a apnaqawi uñst'ayäwi

Isaías 53:2

Tatituw jupan luqtiripan mä machaq alir uñtat jilañap muni, waña uraqirus saphintañap munaraki. Janiw jupax jiwakïkänti, janiw jach'äkarakïnsa, uñnaqapasti janiw munañjamäkänti;

Isaías 62:1

Jerusalén markankirinaka, jumanakar munatax laykux janiw amukt'käti, jumanakar munatax laykusti janiw samarkäti, atipjañaman qhantati qhanar uñtat k'ajañapkama, qhispiyasiñaman mä nina wiyar uñtat qhanañapkama.

Isaías 65:8

Tatitux siwa: “Kunapachatix uvanakax suma puqurt'atäki ukkhax jaqix janiw maysa jalaqtaykiti, ukhamat walja vino apsuñataki. Ukhamarakiw nayax luqtirinakaxar munasitax laykux janiw taqinir tukjkäti.

Mateo 17:27

Ukampis jupanakar jan mayjt'ayañatakix qutar saram, ukatsti chawlla katuñ anzuelo umar jaquntam, kawkïr chawlltix katkäta ukan lakapan mä qullqi jikxatäta. Uka qullqsti nayampita jumampit qullqi churañäki uk churanxam —sasa.

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Marcos 6:3

¿Janit akasti Marian k'ullu khithu yuqapäkisti, jilanakapas Santiago, José, Judas, Simón ukanakäkisti? ¿Janirakit kullakanakapasti jiwasanak taypin jakapkisti? —sasa. Ukat jupanakax Jesusar jan yäqapkänti.

Lucas 16:11

Ukhamasti, jumanakatix akapacha yänak jan chiqapar apnaqapkäta ukasti, ¿khitirak chiqpach yänak apnaqañatak churapxiristamsti?

Lucas 2:7

Ukat jupax tayna yuqall wawap wawachasïna, ukatsti wawa isinakar k'irt'asaw mä uywa manq'añawjar ikt'ayäna, qurpachasiñ utan jupanakatak jan utjatap layku.

Lucas 8:3

ukhamaraki Cuza sat chachan Juana warmipa, Cuzax Herodesan yänakap apnaqirïnwa; Susanampi, yaqha warminakamp kuna, khitinakatix yänakapampi yanapapkän ukanaka.

Lucas 9:58

Jesusax juparux sarakïnwa: —Qamaqinakax putunakaniwa, jamach'inakas tapanirakiwa; ukampis jaqin Yuqapan janiw kawkhar p'iqip waynuqt'añapas utjkiti —sasa.

Juan 1:10

Uka Arux akapachankänwa; Diosasti jupa tuqi akapach lurkäna ukasa, akapachankirinakax juparux janiw uñt'känti.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 12:30

Jesusasti jupanakarux sarakïnwa: —Uka arux janiw nayïpanti ist'aski, jan ukasti jumanakïpan ist'asi.

Juan 16:15

Kunatix Awkin utjki ukax nayankiwa; ukat sista: ‘Qullan Ajayux nayankki uk katuqani, uksti jumanakaruw yatiyapxarakïtam’ sasa.

Juan 17:19

Nayasti jupanak laykuw jakañax taqpach katuyasta, jupanakax jakañap uka kipkarak katuyasipxañap munta.

Romanos 11:12

Ukhamasti judionakan lanktasitapampi, aynacht'atapampitix jan judiöpkis jupanakan askipatakïchixa, ¡kunja sumakïkani kunapachatix judionakax kutikipstankani ukkhaxa!

Romanos 15:3

Cristox janiw jupatakik kusisiñ thaqkänti; jan ukasti, jupan phuqhasi Qillqatan siski ukaxa: “Jumar tuqirinakan tuqitanakapax nayxaruw puri” sasa.

Romanos 5:8

Ukampis Diosax munasiñap uñacht'ayistu, kunapachatix jucharar uñjaskäyätan ukkhaw Cristox jiwasanak layku jiwawayi.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

1 Corintios 1:4

Nayax jumanakat Diosarux yuspagarapuntwa, Diosax jumanakar Cristo Jesús tuqi munasiñap churatapata.

1 Corintios 15:47

Nayrïr chachax laq'at luratänwa; payïr chachasti alaxpachat jutiriwa.

2 Corintios 6:10

Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

Efesios 2:7

Aksti jutir urunakan jupan munasiñapa, khuyapayasiñap uñacht'ayañatakiw luri, jiwasatak Cristo Jesús layku utjatapata.

Efesios 3:19

Uka munasiñap uñt'apxañamatakiw mayta, ukasti taqi kuna yatiñat sipan juk'ampi jilankiwa, ukhamat Diosan kankañapampi phuqt'atäpxañamataki.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.