Mateo 1:25 - Qullan Arunaka DC

²⁵ Ukampis wawanïñapkamax janiw chacha warmjam mayachasipkänti. Wawarusti JESÚS sasaw sutichäna.

Aymar Bibliia 1986

²⁵ Ucampis janiw wawanïñapcamajj chacha warmjam jacapcänti. Wawarusti JESÚS sasaw suticharaquïna.

Qullan Arunaca

²⁵ Ucampis janiw wawanïñapcamajj chacha warmjam jacapcänti. Wawarusti JESÚS sasaw suticharaquïna.

Mateo 1:25 Jak'a apnaqawi uñst'ayäwi

2 Samuel 6:23

Tatitusti Saúl reyin Mical phuchhaparux mutuyänwa; jupasti jakañapan janiw mä sapa wawanïkänsa.

1 Reyes 1:4

Abisag tawaqux wali jiwakïnwa, jupaw reyirux sum uñjäna, yanaparakïna, ukampis reyix janipuniw uka tawaqur warmiskänti.

Éxodo 13:2

“Jilïr tayna yuqall wawanak nayatak yaqhachapxäta, israelitanakan taqi jilïr tayna yuqall wawanakapax nayankiwa, ukhamarak uywanakan nayrïr qallunakapasa” sasa.

Éxodo 22:29

29 (28) “Yapu apthapitanakamata, taqpach vinomat waxt'anaksa nayatak apanipxapunïtawa. “Jilïr wawam nayaruw katuyxitäta,

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 1:24

Joseasti ikit sartasinxa, kunjämtix Tatitun angelapax jupar sawaykatayna ukham luräna, Mariarusti warmipat katuqxäna.

Lucas 1:31

Jichhax usur jaqiptätawa, ukatsti mä yuqall wawa wawachasïta; juparusti Jesús sutimpiw sutichäta.

Lucas 2:21

Kimsaqallqu uru saraqatarusti, wawarux circuncisión katuqayapxäna, ukatsti Jesús sasaw sutichapxäna, kunjämtix angelax Mariar siskatayna, janïr usurïkän ukapach yatiykän ukarjama.

Lucas 2:7

Ukat jupax tayna yuqall wawap wawachasïna, ukatsti wawa isinakar k'irt'asaw mä uywa manq'añawjar ikt'ayäna, qurpachasiñ utan jupanakatak jan utjatap layku.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.