Lucas 1:2 - Qullan Arunaka DC

jupanakasti qalltatpach uka luräwinak uñjapkataynas ukanak ukhampach jiwasar yatiyapxistu, ukatsti Diosan arunakap yatiyañatakiw mä iwxt'a katuqapxäna.

Aymar Bibliia 1986

Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Qullan Arunaca

Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Lucas 1:2 Jak'a apnaqawi uñst'ayäwi

Marcos 1:1

Diosan Jesucristo Yuqapxata suma yatiyäwi arunakax akhamat qallti.

Marcos 16:20

Ukatsti yatiqirinakapax qhispiyasiñ arunak taqi tuqin yatiyapxäna; pachpa Tatituw jupanakarux yanapaskäna, kunayman muspharkañanak lurayasa, ukhamat arunakapan chiqätap uñacht'ayäna.

Marcos 4:14

Phawir jaqixa, Diosan arunakap parlir jaqïkaspas ukhamawa.

Lucas 24:48

taqi akanakat arsupxäta.

Juan 15:27

Jumanakasti nayxat arsupxarakïta, qalltatpach nayampïpxatam layku.

Juan 16:4

Aksti sapxsmawa, kunapachatix uka urux purinkani ukkhax, kuntix sapksma uk amtasipxañamataki. “Ukanaksti janiw qalltatpach sapkäyäsmati, nayan jumanakampïskatax layku.

Hechos 1:3

Jesusax jiwatat jaktasinxa, jupa kipkaw jupanakar uñstäna, ukhamat chiqpachapun jaktxatapat uñacht'ayasa. Pusi tunka urun walja kutiw apostolunakapar uñstäna, Diosan qhapaq markapxat parlarakïna.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 14:25

Perge markan Diosan suma arunakap yatiyawayasinxa, Atalía markaruw sarxapxäna.

Hechos 16:6

Pablompi, jupamp chik saririnakampisti Tatitun arunakap Asia suyun parlañ yant'apxäna, ukampis Qullan Ajayuw jupanakar jark'äna. Ukat jupanakax Frigia, Galacia chiqanakar sarxapxäna.

Hechos 17:11

Uka markankir judionakasti Tesalónica markankir judionakat sipan juk'amp suma chuymanïpxänwa. Jupanakax taqi chuymaw suma yatiyäwi arunak isch'ukipxäna. Qillqatanaksa sapürurakiw yatxatapxäna, jupanakar yatichapki uka arunakax chiqati, janicha uk yatiñataki.

Hechos 26:16

Jichhasti sayt'asimaya, nayar luqtañamatakiw jumar uñstawaysma, kuntix jichhax uñjktas ukxat nayan qhanañchirixäñamataki, kuntix akat qhiparus uñjaykäma uk qhanañchañamataki.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.

Hechos 8:4

Ukampis Jerusalenat ananukutäpkän uka iyawsirinakax, taqi tuqiruw sarapxäna, Diosan suma yatiyäwi arunakap yatiyasa.

Romanos 15:16

Jesucristor luqtas jan judiöpkis ukanakan askipataki. Sacerdote luräwixax Diosan suma yatiyäwip yatiyañawa, ukhamat jan judiöpkis ukanakar jupa nayraqatar uñstayañataki, jupar kusisiykir waxt'äwjama, Qullan Ajayun q'umachata.

1 Corintios 4:1

Jumanakasti nanakarux Criston yanapiripjamak uñjapxañama, Diosan jan amuyt'kay amtäwinakap yatichañataki.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.