Hechos 1:3 - Qullan Arunaka DC

³ Jesusax jiwatat jaktasinxa, jupa kipkaw jupanakar uñstäna, ukhamat chiqpachapun jaktxatapat uñacht'ayasa. Pusi tunka urun walja kutiw apostolunakapar uñstäna, Diosan qhapaq markapxat parlarakïna.

Aymar Bibliia 1986

³ Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Qullan Arunaca

³ Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Hechos 1:3 Jak'a apnaqawi uñst'ayäwi

1 Reyes 19:8

Eliasasti sartasisin manq'asïna, umt'asirakïna. Uka manq'aw ch'ama churäna pusi tunka urumpi, pusi tunka arumampi thakhinjam sarañataki, Tatitun Horeb qullupar puriñkama.

Mateo 21:43

Ukatpï sapxsmaxa, jumanakatxa Diosan qhapaq markapax apaqatäniwa, ukatsti taqi kunan jupar ist'ir markaruw churasini.

Mateo 28:9

Ukhamaruw Jesusax jupanakar uñstäna, ukatsti aruntarakïnwa. Jupanakasti Jesusan kayunakapar qhumantasaw yupaychapxäna,

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 4:2

Jesusasti pusi tunka urumpi, pusi tunka arumampiw jan manq'at sarnaqäna, ukatsti manq'at awtjayasïna.

Marcos 16:19

Jupanakar parlatap qhipatsti, Tatit Jesusax alaxpachar aptatäxänwa. Jupasti Diosan kupïxaparuw qunt'asxäna.

Juan 20:26

Kimsaqallqu uru qhipatsti, yatiqirinakapax wasitampiw mä utan tantachasipxäna, Tomasisti ukapachax jupanak taypinkänwa. Punkunakax suma jist'antatänwa, Jesusasti ukaruw mantäna, jupanak taypiruw sayt'asïna, ukatsti aruntarakïnwa: —¡Sumankañax jumanakampïpan! —sasa.

Juan 21:1

Uka qhipatsti, Jesusax wasitampiw yatiqirinakapar Tiberias sat quta thiyan uñstäna. Ukasti akhamänwa:

Juan 21:14

Akampix Jesusax kimsa kutiw yatiqirinakapar uñstäna jiwatanak taypit jaktatap qhipata.

Hechos 13:31

Jesusasti walja urunakawa, walja kutirakiw uñstäna, jupamp chik Galilea uraqit Jerusalenar makhatapkataynas jupanakaru. Jichhasti jupanakaw Jesusat jaqinakar yatiyapxi.

Hechos 19:8

Ukatsti Pablox kimsa phaxsiw sinagogar saräna, ukansti jan axsarasaw Diosan arunakap jaqinakar yatiyäna, Diosan qhapaq markapat amuyt'ayasa.

Hechos 28:23

Ukatsti jilïrinakax mä urutakiw wasitat tantacht'asiñ amtapxäna. Ukürusti Pablox qurpachaskän uka utarux walja judionakaw purinipxäna. Pablosti willjtat jayp'ukamaw Diosan qhapaq markapat jupanakar parläna. Jesusat amuyt'ayañ munäna Moisesan kamachinakap tuqi, profetanakan qillqatanakap tuqiraki.

Hechos 28:31

Jan axsartasaw jupax Diosan qhapaq markapat yatiyäna, Jesucristo Tatitut yaticharakïna, jan khitin jark'ata.

Hechos 8:12

Ukampis Felipex Diosan markapat parlkäna, Jesucriston sutipat qhanañchkarakïn ukapachaxa, jupanakax uka arunakar ist'asin iyawsapxänwa, ukatsti chachanakasa, warminakasa, bautismo katuqapxäna.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Deuteronomio 9:18

Uka qhipatsti Tatitun nayraqatapan killt'asta, ukatsti, kamisatix nayrïr kutix lurkta ukhamaw pusi tunka urumpi, pusi tunka arumampi jan kuna manq'ata, umas jan umt'ata ukankäyäta, jumanakan jucha luratanakam layku, Diosar ñanqhachapxatamata, q'apisiyapxatamata.

Deuteronomio 9:9

Nayax Horeb qulluruw makhatäyäta, qalat lurat tablanak aptiri, Diosax jumanakampi suma arust'äwi lurkatayna uka qala tablanaka, nayasti pusi tunka urumpi, pusi tunka arumampiw uka qullunkäyäta jan manq'ata jan umata.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

1 Juan 1:1

Kunatix qalltatpach utjkäna, kuntix nanakax ist'apkta, kuntix uñjapkarakta ukanakat qillqanipxsma. Nanakaw uñjapxta, amparanakaxampiw llamkt'apxarakta. Ukasti jakañ Aruwa.