Juan 15:27 - Qullan Arunaka DC

²⁷ Jumanakasti nayxat arsupxarakïta, qalltatpach nayampïpxatam layku.

Aymar Bibliia 1986

²⁷ Jumanacajj nayjjatwa parlapjjaraquïta, kalltatpach nayampïpjjatam laycu.

Qullan Arunaca

²⁷ Jumanacajj nayjjatwa parlapjjaraquïta, kalltatpach nayampïpjjatam laycu.

Juan 15:27 Jak'a apnaqawi uñst'ayäwi

Marcos 1:1

Diosan Jesucristo Yuqapxata suma yatiyäwi arunakax akhamat qallti.

Lucas 24:48

taqi akanakat arsupxäta.

Juan 19:35

Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki.

Juan 21:24

Akanak arsuristi, uka kipka yatiqiriwa, jupaw qillqawayi, jiwasanakasti jupan arsutapan chiqätap yatipxtan.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 13:31

Jesusasti walja urunakawa, walja kutirakiw uñstäna, jupamp chik Galilea uraqit Jerusalenar makhatapkataynas jupanakaru. Jichhasti jupanakaw Jesusat jaqinakar yatiyapxi.

Hechos 18:5

Silasampi Timoteompix, Macedonia markat purinipkän ukapachasti, Pablox Tatitun arunakap yatiyañarukipuniw uchasxäna, judionakar qhanpach uñacht'ayarakïna Jesusan Mesiasätapa.

Hechos 23:11

Uka qhipa arumasti Tatituw Pablorux uñstäna, ukat jupar sarakïna: “Ch'amañcht'asim, Pablo, kunjämtix aka Jerusalén markan nayat arstaxa, ukhamarakiw Roma markan arsuñamax wakisini” sasa.

Hechos 3:15

Ukham jumanakax jakañ churirirux jiwayapxtaxa. Ukampis Diosaw juparux jiwatanak taypit jaktayi, uksti nanakaw uñjapxta.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.

Hechos 4:33

Apostolunakasti jach'a ch'amampiw Tatit Jesusan jiwatat jaktatapat qhanañchasipkakïna, Diosasti aski waxt'äwinakap jupanakxar warxatanïna.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

1 Pedro 5:12

Silvanox nayatakix mä suma aski jilatat uñt'atawa, juparakiw aka qillqat lurañatak yanapt'itu, jumanakar iwxt'añataki, ukhamaraki kuna waxt'äwinaktix katuqapkta ukanakan Diosan chiqa munasiñapätap yatiyapxaraksma. Jupar churatäpan qhapaq kankañasa, munañan kankañasa, wiñayan wiñayapataki.

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

Apocalipsis 1:2

Juan luqtiripasti kuntix uñjkatayna taqi ukanakxa ukhampach qillqi. Jupaw Diosan arup qhanañchi, Jesucristot arsuraki.

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.