Lucas 1:2 - Qullan Arunaca

² Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Aymar Bibliia 1986

² Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Qullan Arunaka DC

² jupanakasti qalltatpach uka luräwinak uñjapkataynas ukanak ukhampach jiwasar yatiyapxistu, ukatsti Diosan arunakap yatiyañatakiw mä iwxt'a katuqapxäna.

Lucas 1:2 Jak'a apnaqawi uñst'ayäwi

Marcos 1:1

Diosan Jesucristo Yokapjjata suma yatiyäwi arunacajj aqhamatwa kallti.

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Marcos 4:14

Phawir jakejja, Diosan arunacap parlir jakëcaspas uqhamawa.

Lucas 24:48

Jumanacaw take acanacatjj testigonacäpjjtajja.

Juan 15:27

Jumanacajj nayjjatwa parlapjjaraquïta, kalltatpach nayampïpjjatam laycu.

Juan 16:4

Acsti sapjjsmawa cunapachatejj uca horasajj purincani ucqhajja, cuntejj sapcsma uc amtasipjjañamataqui. “Janiw acjj kalltatpacha yatiyapcäyäsmati, nayajj jumanacampïscatajj laycu.

Hechos 1:3

Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 14:25

Perge marcana Diosan arunacap parlawayasinjja, Ataliaruw sarjjapjje.

Hechos 16:6

Kollan Ajayojj jupanacarojj Tatitun arunacapjja janiw Asia marcan parlayañ muncänti. Ucatwa jupanacajj Frigia, uqhamarac Galacia tokenacaru sarjjapjjäna.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Hechos 26:16

Jichhasti sayt'asim. Nayaru sirviñamataquiw uñstsma, uqhamarac testigojjäñamataqui cuntejj jichhajj uñjctas ucjjata. Uqhamaraquiw khepürunacansa testigt'itäta nayat uñjcät ucanacampitsa.

Hechos 4:20

Nanacajj janipuniw amuct'apquiristti cuntï uñjapcta ist'apcaracta ucanacat arsuñjja —sasa.

Hechos 8:4

Ucampis Jerusalenat alisnucutäpcän ucanacajja, take tokeruw sarapjjäna, Diosan arunacap yatiyasa.

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

1 Corintios 4:1

Uqhamasti jumanacajj nanacarojj Criston yanapirinacapäpquiristsa uqhamacwa catokapjjañamajja, Diosan jan amuyt'caya amtäwinacapa jumanacar yatichañataqui.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

1 Pedro 5:1

Jichhasti ewjja arunacracwa jilïri chuymaninacaru iglesianacamanjja churta. Nayasti jupanacjam jilïri chuymaniraquïtwa, Criston t'akhesitanacapatsa testigoraquïtwa, jupanac chicaraquiw Criston jach'a c'ajquir khanapancäjja uñstancan ucapachajja.

2 Pedro 1:16

Cuna yatichäwinactejj jumanacar Jesucristo Tatitusan ch'amapjjata, uqhamarac jutäwipjjat yatichapcsma ucanacajj janiw jakenacan alek säwi arunacäcänti, jan ucasti nanacaw nayranacajjamp Tatitun khapak cancañapjja uñjapjjta.