Lucas 1:13 - Qullan Arunaka DC

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Aymar Bibliia 1986

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Qullan Arunaca

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 1:13 Jak'a apnaqawi uñst'ayäwi

Génesis 17:10

Akaw jumanakampi arust'äwiru mantataxaxa, ukatsti wawanakaman uka arust'äwi phuqhañapapunïniwa: Taqi chachanakaw circuncisión katuqapxäta.

Génesis 17:19

Tatitusti sarakïnwa: —Sara warmimax mä wawa wawacharapïtam, jumasti Isaac sutimpiw uchäta. Jupampiw arust'äwix sum sayt'ayä, wawanakapampisti wiñayatakiw arust'äwix utjayarakï.

Génesis 18:14

¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

Génesis 25:21

Rebecasti janiw wawanïrjamäkänti, ukat Isaacax Tatitur jupataki mayïna. Diosasti Isaacan mayisitap ist'äna, ukatsti Rebecax usur jaqiptänwa.

Salmos 113:9

Jan wawachasir warmirux pä kusisiñ churi: wawanakanïña, utapan suman uñjatäña. ¡Tatitux jach'añchatäpan!

Salmos 118:21

Tatay, nayar ist'atamat yuspagarsma, nayar qhispiyatamat yupaycharaksma.

Isaías 8:3

Ukat qhiparusti warmixampi nayampix mä yuqall wawanïxapxtwa. Tatitusti sarakituwa: “Uka wawarux Maher-salal-hasbaz sas suticham.

Daniel (hebreo) 10:12

Ukat jupax sarakitu: ‘Daniel, jan axsaramti, Tatitux nayrïr urutpach mayisitanakam ist'tam, uka jan amuyt'kay samkanakxat yatiñatak ch'amachasitamata, nayraqatapansa alt'at chuymam uñacht'ayatamata. Ukat nayax jutawayta.

Oseas 1:4

Ukatsti Tatitux Oseas profetarux sänwa: “Uka yuqall wawarux Jezreel sas suticham, nayasti akat mä juk'a urunakatxa, Jehú reyin wawanakaparux mutuyäwa, Jezreel chiqan jaqinakar jiwarayapxatapata, Israel markansti janiw reyinakax juk'ampi utjkxaniti.

Oseas 1:6

Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 14:27

Ukampis Jesusax jupanakarux sänwa: —Jan axsarapxamti, nayäsktwa —sasa.

Mateo 28:5

Angelasti warminakarux sarakïnwa: —Jan axsarapxamti. Nayax yattwa ch'akkatatäkän uka Jesusar thaqhasipkatama.

Marcos 16:6

ukampis uka waynax jupanakarux sänwa: —Jan mulljasipxamti. Ch'akkatatäkän uka Nazaretankir Jesusaruw thaqhasipktaxa. Jupax jaktawayxiwa; janiw akankxiti. Uñjapxam kawkharutix uchatäkän uka.

Lucas 1:14

Ukatsti jumax wal kusisïta, waljanirakiw jupan yuritapat kusisipxani,

Lucas 1:30

Ukat angelax juparux säna: —María, jan axsaramti, jumax Diosan nayraqatapan khuyapayasiñap jikxattaxa.

Lucas 2:21

Kimsaqallqu uru saraqatarusti, wawarux circuncisión katuqayapxäna, ukatsti Jesús sasaw sutichapxäna, kunjämtix angelax Mariar siskatayna, janïr usurïkän ukapach yatiykän ukarjama.

Hechos 10:31

Jupasti sarakituwa: “Cornelio, Diosax mayisitanakam ist'iwa, pist'añan sarnaqirinakar khuyapayatanakamas Diosan nayraqatapan askit uñt'atarakiwa.

Jueces 6:23

Tatitusti sänwa: —Jan axsaramti, janiw jiwkätati, sumankañaxax jumampïpan —sasa.

1 Samuel 2:21

Tatitusti Anarux aski waxt'äwipampiw phuqt'äna, ukatsti Anax usur jaqiptxänwa, ukat kimsa yuqall wawampi, pä imill wawamp wawachasïna, Samuel wawasti Tatitun nayraqatapan jiltaskakïnwa.