Génesis 17:19 - Qullan Arunaka DC

¹⁹ Tatitusti sarakïnwa: —Sara warmimax mä wawa wawacharapïtam, jumasti Isaac sutimpiw uchäta. Jupampiw arust'äwix sum sayt'ayä, wawanakapampisti wiñayatakiw arust'äwix utjayarakï.

Aymar Bibliia 1986

¹⁹ Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Qullan Arunaca

¹⁹ Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Génesis 17:19 Jak'a apnaqawi uñst'ayäwi

Génesis 16:11

Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 17:16

Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.

Génesis 17:18

Ukatsti Diosarux sarakïnwa: —¡Ismael wawaxax aski waxt'äwimampi jakaspa ukaxa walïspawa! —sasa.

Génesis 17:21

Ukampis nayan arust'äwix Isaac wawamampikiw utjayä, kawkïri wawtix akat mä mararux Sara warmimax wawacharapkätam ukampi.

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 21:6

Ukatsti Sara warmix sarakïnwa: “Diosaw nayarux larusiyitu, jichhasti taqi khitinakatix wawanïtax yatipkani ukanakaxa, nayampiw larusipxarakini.

Génesis 26:2

Ukampis Tatituw Isaacar uñstäna, ukat sarakïna: “Egiptor jan sarkamti. Jan ukasti, Guerar sat uraqir mä qawqha pachatak sarxam, kawkintix filisteonakan Abimélec reyipax jakki ukaru.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 9:16

Kunapachatix kürmix qinay taypin uñstkani ukapachaxa, uka kürmi uñjasin kuna arust'äwtix taqi jaqinakampi, taqi aka uraqin utjir animalanakampi lurkta ukat amtasï.

Lucas 1:55

Awkinakasarux ukham arsuwayatayna, Abrahamampiru, wawanakapampiru.”

Hebreos 11:11

Sara warmix iyawsäwi laykuw jan wawachasirïkasina, Abrahamas wali chuymanïkasin wawanïñatak ch'am katuqäna; wawachasiñapatak Diosax arskatayna ukan arupar iyawsatap layku.