Daniel (hebreo) 10:12 - Qullan Arunaka DC

¹² Ukat jupax sarakitu: ‘Daniel, jan axsaramti, Tatitux nayrïr urutpach mayisitanakam ist'tam, uka jan amuyt'kay samkanakxat yatiñatak ch'amachasitamata, nayraqatapansa alt'at chuymam uñacht'ayatamata. Ukat nayax jutawayta.

Aymar Bibliia 1986

¹² Ucat jupajj nayaru saraquitu: “Daniel, jan jumajj ajjsaramti, kallta urutpachwa jumajj ch'amachasta take ucanac amuyt'añataqui, uqhamaraqui Diosam nayrakatapansa alt'ata chuymani tucuracta ucspachaw Tatitojj mayisitanacamjja ist'tam. Ucatwa nayajj jichhajj juttjja.

Qullan Arunaca

¹² Ucat jupajj nayaru saraquitu: ‘Daniel, jan jumajj ajjsaramti, kallta urutpachwa jumajj ch'amachasta take ucanac amuyt'añataqui, uqhamaraqui Diosam nayrakatapansa alt'ata chuymani tucuracta ucspachaw Tatitojj mayisitanacamjja ist'tam. Ucatwa nayajj jichhajj juttjja.

Daniel (hebreo) 10:12 Jak'a apnaqawi uñst'ayäwi

Salmos 69:10

10 (11) Llakisiñat jan manq'kta ukkhaxa, nayat larusipxitu;

Isaías 35:4

axsaririnakarusti sapxarakim: “Ch'amacht'asipxam, jan axsarapxamti” sasa. “¡Tatituw jumanakar qhispiyir jutani, uñisirinakamarusti mutuyarakiniwa!”

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 58:9

Jawsitäta ukkhax nayax ist'ämawa; yanapa mayisisatix arnaqasïtaxa, nayasti: ‘Akankasktwa’ sarakïmawa. Jumatix khitirus jan t'aqhisiykäta, mayninakarus janirak jisk'achkäta, kuna k'ari arunaksa jan parlkäta,

Isaías 65:24

Janïraw jupanakax jawsapkitaniti, ukkhax niyaw nayax jupanakar jaysä; janïraw parlañsa tukuyapkaniti, ukkhax niyaw jupanakar ist'ä.

Daniel (hebreo) 10:11

Ukatsti sarakituwa: ‘Daniel, sayt'asim kuntix siskäma uk sum ist'am. Tatitux munastamwa, nayaruw jumaru yatiyañatak khithanitu’ sasa. “Angelan nayar parlxayañapkamasti, khathatt'asisaw sayt'asta.

Daniel (hebreo) 10:19

sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Levítico 16:29

“Aka kamachinakasti jumanakatakix wiñayatakïniwa: paqallqüri phaxsina tunka uru saraqatarusti jumanakax ayunapxätawa, uka urusti janiw kunsa lurapxätati, taqi israelita jaqinaka, jaya markat jutasin jumanak taypin jakir jaqinakasa,

Levítico 16:31

Aka kamachisti wiñayatakiwa: uka urusti jumanakatakix samaraña mä jach'a urüniwa, Tatitutak yaqhachata ayuno lurañ ururakïniwa.

Números 29:7

“Pachpa paqallqür phaxsina, tunka uru saraqkipana, jumanakax qullan tantachasïwi lurapxarakïta. Ukürusti ayuno lurapxäta, janirakiw kuna irnaqañanaksa lurapxätati.

Mateo 28:10

jupasti sarakïnwa: —Jan axsarapxamti. Yatiqirinakaxar yatiyir sarapxam, jupanakan Galilea chiqar sarapxañapataki, ukan nayampix jikisipxani —sasa.

Mateo 28:5

Angelasti warminakarux sarakïnwa: —Jan axsarapxamti. Nayax yattwa ch'akkatatäkän uka Jesusar thaqhasipkatama.

Marcos 16:6

ukampis uka waynax jupanakarux sänwa: —Jan mulljasipxamti. Ch'akkatatäkän uka Nazaretankir Jesusaruw thaqhasipktaxa. Jupax jaktawayxiwa; janiw akankxiti. Uñjapxam kawkharutix uchatäkän uka.

Lucas 1:13

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Lucas 1:30

Ukat angelax juparux säna: —María, jan axsaramti, jumax Diosan nayraqatapan khuyapayasiñap jikxattaxa.

Lucas 2:10

Angelasti jupanakarux sänwa: “Jan axsarapxamti, suma yatiyäwinak apanta, akasti taqi markpachatak wali kusisiñäniwa.

Lucas 24:38

Jesusasti jupanakarux sänwa: —¿Kunatarak mulljasipxtasti? ¿Kunatarak pächasiñasti chuymanakaman utjisti?

Hechos 27:24

Uka angelasti situwa: “Pablo, jan axsaramti, jumax Roma marka apnaqir Cesar jilïrin nayraqatapar uñstañamawa. Diosax jumïpan jumamp chik aka barcon saririnakar jiwañat qhispiyani” sasa.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,