Génesis 18:14 - Qullan Arunaka DC

¹⁴ ¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

Aymar Bibliia 1986

¹⁴ ¿Utjaspati Tatitutaquisti cuna lurañas jupataqui wali ch'amätapa? Mara aca horasaw visitir cutt'aniraquï, ucqhataquisti Sarajj mä yokall wawanïniwa —sasa.

Qullan Arunaca

¹⁴ ¿Utjaspati Tatitutaquisti cuna lurañas jupataqui wali ch'amätapa? Mara aca horasaw visitir cutt'aniraquï, ucqhataquisti Sarajj mä yokall wawanïniwa —sasa.

Génesis 18:14 Jak'a apnaqawi uñst'ayäwi

Génesis 17:16

Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.

Génesis 17:21

Ukampis nayan arust'äwix Isaac wawamampikiw utjayä, kawkïri wawtix akat mä mararux Sara warmimax wawacharapkätam ukampi.

Génesis 18:10

Ukatsti maynïrix sarakïnwa: —Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa. Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna.

Génesis 18:13

Ukampis Tatitux Abrahamarux sarakïnwa: —¿Kunatsa Sarax larusi? ¿Janit chuyman tuqir wawanïñ iyawski?

Génesis 18:15

Uk ist'asinsti, Sarax axsarthapïnwa, ukat k'arisisaw akham säna: —Janiw nayax laruskäyätti —sasa. Ukampis Tatitux juparuw sarakïna: —Jumax larustawa —sasa.

Génesis 21:1

Tatitux arsutaparux Sara warmir ist'asax phuqhänwa,

Génesis 21:2

ukat Sara warmix usur jaqiptxäna, Abrahamatakisti mä yuqall wawa wawachasïna kunapachatix Abrahamax wali chuymanïxän ukkha. Wawasti Diosan arsutaparjamaw pachapar yurïna.

2 Reyes 4:16

Ukat Eliseox säna: —Jutir maran aka pachpa urunakan, amparamar mä wawa ichxart'asïta —sasa. Warmisti ukxaruw säna: —Janikiy naya, luqtirimar sallqjistati —sasa.

Job 36:5

Diosax ch'amaniwa, yatiñ kankañapax jach'awa, janiw khiti jaqirus jisk'achkiti.

Salmos 90:13

¡Tatay, uñtanxapxakitaya! ¿Kunapachkamarak apanukupxitätasti? ¡Aka uywatanakamat khuyapt'ayasim!

Salmos 93:1

¡Tatitux reyiwa, reyi isimp isintatawa, Tatitux ch'aman kankañampi isthapitawa! Jupaw akapach sum thurt'ayi, jan unxtkir utt'ayi.

Salmos 95:3

Tatitux jach'a ch'aman Diosawa, k'ari diosanakat sipan munañaniwa.

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 32:27

“Nayätwa taqi jakirinakan ch'amani Diosapaxa. Janiw nayatakix kunas jan lurasirjamax utjkiti.

Daniel (hebreo) 6:20

20 (21) uka putur jak'achasisasti llakt'at arumpiw Danielar jawsäna: —Daniel, jakkiri Diosan luqtiripa, ¿taqi chuymamamp yupaychkta uka Diosamax leonanakan lakapat qhispiytamti? —sasa.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Zacarías 8:6

Khä urun taqi ukanakax markaxankirinakat qhiparapki ukanakatakix jan amuykayäniwa; ukampis nayatakix janiw ukhamäkaniti. Naya, taqi ch'aman Tatituw arsta.

Números 11:23

Ukampis Tatitux Moisesar sänwa: —¿Janis nayax ch'amanïkirista ukhamti amuyista? Jichhaw uñjäta, arsutaxax phuqhasiniti, janich phuqhaskani uka —sasa.

Mateo 14:31

Ukspachaw Jesusax amparapat katusin Pedrorux waysüna, ukat sarakïna: —¡Pisi iyawsañan jaqi! ¿Kunatarak pächastasti? —sasa.

Mateo 19:26

Jesusasti jupanakar uñtasin säna: —Jaqinakatakix taqi kunas wali ch'amawa, ukampis Diosatakix janiw ch'amäkiti —sasa.

Mateo 3:9

janirak jumanakax ‘Abrahaman wawanakapäpxtwa’ sapxamti; nayasti sapxsmawa, Diosax aka qalanakatsa Abrahaman wawanakap sartayarakispawa.

Marcos 10:27

Jesusasti jupanakar uñkatasinxa, sänwa: —Jaqinakatakix ukax janiw luraskaspati, ukampis Diosatakix lurasikiwa, jupatakisti janiw kunas ch'amäkiti —sasa.

Lucas 1:13

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Lucas 1:18

Zacariasasti angelarux jiskt'änwa: —¿Kunjämatsa ukham phuqhasiñap yatiristxa? Nayax niya chuymanïxtwa, warmixas chuymanïxarakiwa —sasa.

Lucas 1:37

Diosatakix janiw kunas ch'amäkiti —sasa.

Lucas 8:50

Jesusasti uk ist'asin juparux sänwa: —Jan axsaramti; iyawsakim, wawamax k'umaräxaniwa —sasa.

Romanos 4:21

Abrahamax taqi chuymaw iyawsäna, Diosax arsutap phuqhañatak ch'amanïtapa.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Deuteronomio 30:3

Tatit Diosamax jumanakat khuyapt'ayasisin, wasitat jumanakar aski waxt'äwinak churxapxätam; wasitat tantachxapxätam jaqunukupktam uka markanakat irpthapisa,

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.

Filipenses 3:21

Jiwasanakan jan wali janchis jupaw k'ajkir janchipar uñtat tukuyani. Uksti kawkïr ch'amapampitix taqi kun apnaqki uka ch'amapampiw tukuyani.

Filipenses 4:13

Criston ch'amapampix taqi kunaruw saykatirista.

Hebreos 11:19

Abrahamasti Diosarux jiwatanak jaktayañatak ch'amanïtap uñt'äna; ukatarak Abrahamax wawaparux jiwatanak taypitsa kutsuyaskaspa ukham wasitat katuqxäna.

Jueces 13:3

Ukampis Tatitun angelapaw jupar uñstasin säna: “Jumax janiw wawachasirïktati, jichhasti usur jaqiptätawa, ukat mä yuqall wawa wawachasïta.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa: