Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.
Jueces 13:3 - Qullan Arunaka DC Ukampis Tatitun angelapaw jupar uñstasin säna: “Jumax janiw wawachasirïktati, jichhasti usur jaqiptätawa, ukat mä yuqall wawa wawachasïta. Aymar Bibliia 1986 Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa. Qullan Arunaca Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa. |
Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.
Ukatsti maynïrix sarakïnwa: —Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa. Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna.
¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.
Ukat Eliseox säna: —Jutir maran aka pachpa urunakan, amparamar mä wawa ichxart'asïta —sasa. Warmisti ukxaruw säna: —Janikiy naya, luqtirimar sallqjistati —sasa.
Ukapachaw Tatitun mä angelapaxa, Zacariasar incienso altaräkis uka kupïx thiyan sayt'at uñstäna.
Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.
ukat warmix chachapar yatiyir jank'ak jaläna: —¡Ist'ita, nayrüru uñjkta uka chachax wasitat uñstitu! —sasa.
Manoa chachasti, uka jaqin Tatitun angelapätap jan yatisin säna: —Nanakampi chikay qhipart'am, wakicht'arapipkäm uka cabrito manqt'asiwayañäni —sasa. Ukampis angelax sänwa: —Nayax qhiparirista ukasa, janiw jumampi chika manq'amxa manq'kiristti. Ukampis Tatituruy uka cabrito nakt'at waxt'äwi luqtam —sasa.
Warmisti sarasin chachapar uk yatiyäna, juparusti sänwa: “Tatitunkir mä jaqiw nayan ukar jutatayna, jupax Tatitun angelapjamänwa. Janiw nayax jupan khitïtapsa jiskt'kti, janirakiw jupas sutip arskarakituti.
Manoa chachasti, Tatituruw mayisïna akham sasa: “Tatay achikt'asïma, khithanipkista uka chacharux wasitatay nanakan ukar jutpan, yurkani uka wawa uñjañatak kuntix lurapxañaxäki uk yatiñataki” sasa.
Tatitun angelapax Guilgal chiqat Boquim chiqaruw saräna, ukatsti israelitanakarux sänwa: “Nayaw jumanakarux Egipto markat irpsunipxsma, ukatsti nayra awkinakamar arsuta uraqiruw irpanipxsma, jupanakarusti säyätwa: ‘Janipuniw jumanakampi lurat arust'äwirux p'akintkäti,
Tatitusti jupar uñkatasin säna: —Qawqhatix ch'amamax utjki ukampi israelitanak qhispiyir saram, madianitanakan t'aqhisiyatäñata. Nayaw jumarux khithasksma —sasa.
Ukhamat Ana warmix usur jaqiptxäna, ukatsti mä yuqall wawa wawachasïna, uka wawarusti Samuel suti uchäna, Tatitux jupan mayisitapar ist'atap layku.