Jueces 13:3 - Qullan Arunaca

³ Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Aymar Bibliia 1986

³ Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Qullan Arunaka DC

³ Ukampis Tatitun angelapaw jupar uñstasin säna: “Jumax janiw wawachasirïktati, jichhasti usur jaqiptätawa, ukat mä yuqall wawa wawachasïta.

Jueces 13:3 Jak'a apnaqawi uñst'ayäwi

Génesis 17:16

Nayaw juparojj bendiciraquï, jupa toksti mä wawa churaraquïma. Jïsa, bendicïwa. Jupasti walja marcanacan taycapäniwa, wawanacapasti marcanacapan reyinacaparaquïniwa.

Génesis 18:10

Ucatsti maynïrejj saraquïnwa: —Mara aca horasaw visitt'iri cutt'aniraquï, ucqhataquisti Sara warmimajj mä yokall wawanïniwa —sasa. Ucañcamasti Sarajj Abrahaman khepäjjapanwa, carpa mantañäwjan take uca parlatanac isch'uquiscäna.

Génesis 18:14

¿Utjaspati Tatitutaquisti cuna lurañas jupataqui wali ch'amätapa? Mara aca horasaw visitir cutt'aniraquï, ucqhataquisti Sarajj mä yokall wawanïniwa —sasa.

2 Reyes 4:16

Ucatjja Eliseojj sänwa: —Jutir marataquejja aca pachpa urunacataquisti mä wawa amparamana icht'atäyätawa —sasa. Uca warmisti sänwa: —Janiw, Diosan chhijllat jakepa, jan naya sirvirimarojj sallkjistati —sasa.

Lucas 1:11

Ucapachaw Tatitun mä angelapajj Zacariasarojj incienso altaräquis uca cupëjj thiyan sayt'at uñstäna.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Jueces 13:10

Warmejj janc'aquiw chachaparu yatiyirejj jaläna: —¡Nayaru uñstquitu uca chachajj wastatampiw uñstitu! —sasa.

Jueces 13:15

Manoa chachajja, uca jakejj Diosan angelapätapa jan yatisinjja sänwa: —Nayasti achict'assmawa jumajj khepart'amay nanacampi chica mank'asiri, nanacasti waquichasipctwa mä cabrito —sasa.

Jueces 13:6

Warmejj chachaparu yatiyiriw saräna: “Mä Diosan jakepaw jutatayna cawqhanccäyättejj ucqharu. Ucampis nayataquejja Diosan mä angelapjamaquiwa. Janiwa nayajj jisct'cti qhitïpachas ucjja, ni jupasa nayarojj qhitisa ucjja arscaraquituti.

Jueces 13:8

Ucatsti Manoa sat chachajja oracionanjja Diosarojj sänwa: “Dios Tatitu, nayasti achict'assmawa wastatampiy nanacan ucaru uca jakema qhithanim nanacaru yatiyañapataqui cunanactejj lurapcäjja nazcani uca wawampejj uca.”

Jueces 2:1

Diosan angelapasti Gilgal chekata Boquim sat chekaru sarasinjja israelitanacarojj sänwa: “Nayawa jumanacarojj Egipto marcata irpsunisajj aca orakeru irpanipjjsma, cawquïr oraketejj nayra awquinacamaru churañatac arsutacäna, aqham sasa: ‘Nayan arsutajjsti janipuniw jumanacampejj p'acjcäti,

Jueces 6:14

Diosasti uñcatasinjja sänwa: —Kawkhatejj ch'amamajj utjqui ucampi israelitanac khespiyir saram madianitanacan t'akhesiyatäñata. Nayawa jumarojj qhithascsma —sasa.

1 Samuel 1:20

Uqhamatwa Anajj usur jakeptawayi, wawachasiñ horasa purinjjepansti, mä yokall wawa wawachasïna, Samuel sasaw uca wawarojj suticharaquïna, Tatitut uca wawjja mayitap laycu.