Juan 8:23 - Qullan Arunaka DC

Jesusax jupanakarux sarakïnwa: —Jumanakax akapachankirïpxtawa, nayasti alaxpachankirïtwa, jumanakax aka uraqinkirïpxtawa, nayasti janiw aka uraqinkirïkti.

Aymar Bibliia 1986

Jesusajj ucjjarojj saraquïnwa: —Jumanacajj acapachanquirïpjjtawa, ucampis nayajj alajjpachanquirïtwa, jumanacajj aca orakenquirïpjjtawa, ucampis nayajj janiw aca orakenquirïcti.

Qullan Arunaca

Jesusajj ucjjarojj saraquïnwa: —Jumanacajj acapachanquirïpjjtawa, ucampis nayajj alajjpachanquirïtwa, jumanacajj aca orakenquirïpjjtawa, ucampis nayajj janiw aca orakenquirïcti.

Juan 8:23 Jak'a apnaqawi uñst'ayäwi

Salmos 17:4

kunjämtix jaqinakax k'arisipki ukhama; ch'axwañ thakhinakat jithiqtasta, juman arsutamarjamaw phuqta.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 17:14

Nayasti jupanakarux arunakam churta, ukampis akapachankirinakax jupanakarux uñisiwa, jupanakan jan akapachankirïpxatap layku, kamisatix nayax jan akapachankirïktxa ukhama.

Juan 17:16

Kamisatix nayax jan akapachankirïktxa, jupanakax janirakiw akapachankirïpkiti.

Juan 3:13

Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.

Juan 3:31

Alaxpachat jutirix taqi jaqxankiwa. Akapachat sartiristi akapachankiriwa, akapach yänakatarak parli. Ukampis khititix alaxpachat jutki ukax taqi jaqinakxankiwa,

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.