Juan 7:18 - Qullan Arunaka DC

Khititix jupa pachpat parlki ukax, jaqimp jach'añchayasiñak thaqhi; ukampis khititix jupar khithanki ukar jach'añchayañatak parlki ukan arunakapax chiqawa, janirakiw jupan kuna ñanqha luratapas utjkiti.

Aymar Bibliia 1986

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

Qullan Arunaca

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

Juan 7:18 Jak'a apnaqawi uñst'ayäwi

Proverbios 25:27

Walja misk'i manq'añax janiw walïkiti, walja jach'añchäwinak katuqañas walïkarakiti.

Números 11:29

Moisesasti jupar sänwa: —¿Kunatarak jumasti naya sapan parlañaxak muntasti? ¡Nayax Tatitun taqpach markapar ajayup churañapa, ukatsti taqinis profetäpxañap munirista! —sasa.

Mateo 6:9

Jumanakasti akham mayisipxäta: “ ‘Alaxpachankir nanakan Awkixa, sutimax jach'añchatäpan.

Juan 11:4

Jesusasti uk ist'asin sänwa: —Aka usux janiw jiwañatakïkiti, jan ukasti, Diosan jach'a ch'amap uñacht'ayañatakïniwa, Diosan Yuqapan jach'a ch'amap uñacht'ayañatakirakïniwa —sasa.

Juan 12:28

Awkixay, sutimax jach'añchatäpan. Ukapachaw alaxpachat mä arux ist'asïna: “Nayax jupar jach'añchawayxtwa, wasitampis jupar jach'añchaskakïwa” sasa.

Juan 12:43

Jupanakax jaqimp aytayasiñak munapxäna, Diosamp jach'añchayasiñat sipana.

Juan 5:41

“Janiw nayax jaqinakan jach'añchäwinakap munkti.

Juan 8:54

Jesusasti jupanakarux sarakïnwa: —Naya pachpatix jach'añchasiristxa, jach'ar tukutaxax inamayäspawa. Ukampis nayarux Awkixaw jach'añchaskitu, jumanakasti juparux “Diosaxaw” sapxtawa.

1 Tesalonicenses 2:6

Janiw khitin jach'achatäñsa thaqhapkti; janiw jumanakampi jach'achayasiñsa, yaqhanakampi jach'achayasiñsa munapkti.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Juan 2:29

Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.