Juan 11:4 - Qullan Arunaka DC

⁴ Jesusasti uk ist'asin sänwa: —Aka usux janiw jiwañatakïkiti, jan ukasti, Diosan jach'a ch'amap uñacht'ayañatakïniwa, Diosan Yuqapan jach'a ch'amap uñacht'ayañatakirakïniwa —sasa.

Aymar Bibliia 1986

⁴ Jesusasti uc ist'asinjja sänwa: —Aca usojj janiw jiwañataquïquiti, ucampis acajj Diosan jach'a ch'amapa uñacht'ayañataquiwa, uqhamarac uca usu toket Diosan Yokapan jach'a ch'amapajj uñacht'ayasiñapataquiraqui —sasa.

Qullan Arunaca

⁴ Jesusasti uc ist'asinjja sänwa: —Aca usojj janiw jiwañataquïquiti, ucampis acajj Diosan jach'a ch'amapa uñacht'ayañataquiwa, uqhamarac uca usu toket Diosan Yokapan jach'a ch'amapajj uñacht'ayasiñapataquiraqui —sasa.

Juan 11:4 Jak'a apnaqawi uñst'ayäwi

Éxodo 16:7

willjtarusti Tatitun jach'a kankañap uñjapxäta; jumanakan arusitanakam jupax ist'iwa. ¿Khitïpxarakta nanakasti, jumanakan nanakar k'umipxañamatakisti? —sasa.

Juan 10:38

Ukampis luräwinakap lurstxa ukax, janis nayarux iyawsapkita, jan ukasti, luräwinakaxar iyawsapxam, ukhamat Awkix nayankatapa, nayasti Awkinkataxarak mäpit yatipxäta —sasa.

Juan 11:40

Ukampis Jesusax saskakïnwa: —¿Janit nayasti sisksma, jumatix iyawsäta ukax, Diosan jach'a ch'amap uñjäta sasasti?

Juan 12:28

Awkixay, sutimax jach'añchatäpan. Ukapachaw alaxpachat mä arux ist'asïna: “Nayax jupar jach'añchawayxtwa, wasitampis jupar jach'añchaskakïwa” sasa.

Juan 17:1

Taqi ukanak arsusinsti, Jesusax alaxpach uñtasaw säna: “Awkixay, pachax purinxiwa. Yuqamar jach'añcham, Yuqaman jumar jach'añchañapataki.

Juan 17:10

Taqi kunatix nayankki ukax jumankiwa, jumankiristi nayankarakiwa; jach'a kankañaxasti jupanakxan uñsti.

Juan 17:5

Jichhax Awkixay, juman jak'aman kunjäm jach'a kankañanïkäyättix janïra akapacha utjkipana, uka pachpa jach'a kankañay churxita.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Juan 8:54

Jesusasti jupanakarux sarakïnwa: —Naya pachpatix jach'añchasiristxa, jach'ar tukutaxax inamayäspawa. Ukampis nayarux Awkixaw jach'añchaskitu, jumanakasti juparux “Diosaxaw” sapxtawa.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Juan 9:3

Jesusasti jupanakarux sarakïnwa: —Janiw jupan juchap laykut ukham yurki, janirakiw awkinakapan juchap laykus ukham yurkiti, jan ukasti, Diosan luräwinakapax jupa tuqi uñstañapatakiwa.

Romanos 11:11

Jichhax jiskt'araktwa: ¿Judionakasti juchar tinkusax jan mayampitakit tinkupxpacha? ¡Janiw ukhamäkiti! Jan ukasti, judionakan jan jaysapxatap laykux mayninakaw qhispiyasiñ jikxatapxi, ukhamat Israelitanakan uñisisiñ chuyma mantayasiñapataki.

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

1 Pedro 1:21

Jumanakasti Cristo tuqirakiw Diosarux iyawsapxtaxa, uka Diosarakiw Cristorux jiwatanak taypit jaktayi, jach'arus aptaraki; ukatpï jumanakax Diosarux iyawsapxtaxa, suyt'apxaraktasa.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.