Mateo 6:9 - Qullan Arunaka DC

⁹ Jumanakasti akham mayisipxäta: “ ‘Alaxpachankir nanakan Awkixa, sutimax jach'añchatäpan.

Aymar Bibliia 1986

⁹ Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Qullan Arunaca

⁹ Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Mateo 6:9 Jak'a apnaqawi uñst'ayäwi

2 Samuel 7:26

¡Sutimax jach'ar aptatapunïpan, ukatsti sapxarakpan, taqi ch'aman Tatitux Israelan Diosapawa! sasa. ¡David luqtiriman wawanakapasti, juman yanapamampix wiñayatakipun sayt'aspan!

1 Reyes 8:43

jumax alaxpachatpach ist'animaya, kawkhantix jaktaxa ukkhatpacha, ukatsti kuntix maykätam uk churarakim, ukhamat aka uraqinkir taqpach markanakan juman sutim uñt'añapataki, jach'añchañapatakiraki, kunjämatix Israel markamax lurki ukhama, ukatsti sutimax aka uta jumatak lurkta ukan aytatätap yatipxañapataki.

1 Crónicas 17:24

¡Juman arsutamax phuqhasipunpan, sutimasti wiñayatak jach'añchatäpan, ukatsti Israel markan Tatitu Diosapax taqi ch'amaniw satarakïpan, chiqpachansa jupaw Israel markan Diosapaxa! ¡David luqtiriman wawanakapan marka apnaqañapax juman yanapamampix sum sayt'pan!

2 Crónicas 20:6

jupasti jach'at säna: “Nayra awkinakaxan Tatit Diosapay, ¡jumätaw alaxpachankir Diosaxa, jumarakiw taqi markanakarus apnaqtaxa! ¡Juman amparamankiw ch'amasa, munañanïñasa: janiw khitis kutkatkiristamti!

Salmos 111:9

Markaparux qhispiyiwa, arust'äwipsti wiñayatakiw utt'ayi. Diosax qullanawa, axsarkayarakiwa.

Salmos 115:3

Diosasax alaxpachankiwa; kuntix jupax munki uk luri.

Salmos 72:18

Israelan Tatit Diosapax jach'añchatäpan, jupakiw muspharkañanak luririxa;

Isaías 37:20

Nanakan Dios Tatituxay, munañan asirionakat qhispiyapxita, ukhamat taqi markanakax juman sapa Diosakïtam yatipxani” sasa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 6:3

Maynit maynikamaw jach'at arsupxäna: “Qullana, Qullana, Qullanawa taqi ch'amani Tatituxa; taqi aka uraqisti jupan jach'a kankañapampi phuqhantatawa” sasa.

Isaías 63:16

¡Jumätaw nanakan awkixaxa! Abrahamax janisay nanakar uñt'apkitpan, Israelax janisay nanakat amtasipkitpan, ukampis Tatay, jumaw nanakan awkixätaxa; nayratpacha jumaw nanakan qhispiyirixätaxa.

Isaías 64:8

8 (7) Ukampis Tatay, jumaw nanakan awkixätaxa; nanakax ñiq'ikïpxtwa, jumasti sañu lurirïtawa; ¡taqi nanakasti juman uchatäpxaraktwa!

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Ezequiel 36:23

Nayaw uka yaqha markanak nayraqatan uñacht'ayarakï, aytat sutixan qullanapunïtapa, jumanakax uka markanak taypin sutixa jisk'achapxtaxa; kunapachatix nayax sutixan jach'ätap uñacht'aykä, ukapachaw jupanakax yatipxarakini, nayan Tatitütaxa. Naya, Tatituw uk arsta.

Ezequiel 38:23

Ukham lurasaw yaqha markanakarux nayan jach'a qullan kankañax uñacht'ayä. Nayaw jupanakampix uñt'ayasï, jupanakasti nayan Tatitütax yatipxarakini.”

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Habacuc 2:14

Dios Tatitun jach'a luräwinakapat yatiñaw taqi akapachar phuqt'arakini, kunjämatix umanakax qutar phuqhantki ukhama.

Zacarías 14:9

Uka uruw Tatitux taqi akapach apnaqani. Jupa sapakiw Tatitünixa, sutipasti mä sapakirakïniwa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Mateo 10:29

“¿Janit pä jamach'ix juk'a qullqiruk aljaskixa? Ukatsipana, janiw ukanakat mayas jalaqtkaspati Awkiman jan munañapäkchi ukaxa.

Mateo 23:9

Janirak akapachan khitirus ‘awki’ sapxamti, jumanakan mä sapa Awkikiw utji; jupasti alaxpachankiwa.

Mateo 26:29

Nayax sapxsmawa, janiw mayampis aka uvan achupat umkxäti, kunürutix Awkixan qhapaq markapan jumanakampi machaq vino umkä ukürkama —sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Mateo 6:14

“Jumanakatix jan wali luratanakapat masinakamar pampachapxäta ukkhaxa, alaxpachankir Awkimax jumanakarux pampachapxarakïtamwa;

Mateo 6:6

Jumasti Diosat mayiskäta ukkhax, utamar mantam, punku jist'antam, ukatsti Awkimarux uka jamasan mayisim. Awkimasti jamasan mayisitam uñjasax churätamwa.

Mateo 7:11

Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

Lucas 15:18

Awkixan ukaruk kutt'xä, ukat sarakï: Awkixay, Diosar jan yäqasa, jumar jan yäqasaw juchañchjasta;

Lucas 15:21

Ukat yuqapax jupar akham säna: ‘Awkixay, Diosar jan yäqasa, jumar jan yäqasaw juchañchjasta, wawamätwa sañatakix janiw askïkxti’ sasa.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 20:17

Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa.

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

Gálatas 1:1

Galacia uraqin utjir iglesianakankir munat jilatanaka, kullakanaka: Naya Pablompi, nayamp chikäpki uka jilatanakampiw aruntanipxsma. Dios Awkisana, Tatit Jesucriston aski waxt'äwipampi, sumankañapampix jumanakampïpan. Nayax aka suma arunak yatiyañatak khithat apostolütwa: ¡Jesucristox jiwatanak taypit jaktawayi! Janiw nayarux akapachankirinakat khitis khithankituti, jan ukasti, pachpa Jesucristompi, jupar jaktayir Dios Awkimpiw khithanitu.

Gálatas 4:6

Ukhamax jupan wawapa tukutas laykusti, Diosax Yuqapan Ajayup chuymanakasar khithani; uka Ajayuw art'asi: “¡Awkixay!” sasa.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

1 Pedro 1:17

Jumanakatix taqi jaqinakar luräwinakaparjam taripir chiqa Diosarux “Awki” sapxstaxa, jumanakax aka uraqin jakkasax Jupar axsart'as jakapxañamawa.

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.

Apocalipsis 5:12

Wali jach'at art'apxarakïna: “¡Kharinukut Corderox askiwa, munañanïñ kankaña, qamir kankaña, yatiñ kankaña, ch'aman kankaña, aytat kankañ katuqañataki, jach'añchatäña, yupaychatäñas askirakiwa!” sasa.