Juan 7:19 - Qullan Arunaka DC

¹⁹ “Chiqpachansa Moisesaw kamachi churapxtam. Uksti janiw jumanakat maynis phuqhapktati. ¿Kunatarak jiwayañ munapxistasti?” sasa.

Aymar Bibliia 1986

¹⁹ Chekpachansa Moisesaw ley churapjjtamjja. Ucampis janiw jumanacatjja maynis uca leyjj phokhapctati. ¿Cunats jiwayañ munapjjesta? sasa.

Qullan Arunaca

¹⁹ Chekpachansa Moisesaw ley churapjjtamjja. Ucampis janiw jumanacatjja maynis uca leyjj phokhapctati. ¿Cunats jiwayañ munapjjesta? sasa.

Juan 7:19 Jak'a apnaqawi uñst'ayäwi

Mateo 12:14

Fariseonakasti sinagogat mistusinxa, Jesusar jiwayañatakiw amtapxäna.

Mateo 21:38

Yuqapar uñjasasti, yapuchirinakax jupanakkamaw arust'asipxäna: ‘Akaxay uraqi katuqirixa, jiwayapxañäni ukatsti uraqipax jiwasankxaniwa’ sasa.

Marcos 11:18

Ukanak ist'asinsti, jilïr sacerdotenakampi, kamachi yatichirinakampix jiwayañ munapxäna, ukampis Jesusarux axsarapxänwa, jupan yatichäwipat jaqinakan muspharapxatap uñjasina.

Marcos 3:4

Ukatsti Jesusax mayninakaruw jiskt'äna: —¿Kuna lurañas wakisi sábado urunxa, aski lurañati jan ukax ñanqha lurañacha? ¿Qullañati jan ukax jiwaskpan sañacha? —sasa. Jaqinakasti amukïpxänwa.

Marcos 3:6

Fariseonakasti sinagogat mistusinxa, Herodesan arkirinakapamp parliriw sarapxäna Jesusarux kunjämatsa jiwayatäspa uk arust'iri.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 10:39

Jaqinakasti wasitatampiw katuntañ munapxäna, ukampis Jesusax jaltxänwa.

Juan 11:53

Jach'a Tantachäwinkir jilïrinakasti, ukürut Jesusar jiwayañ amtapxäna.

Juan 5:16

Ukat judionakax Jesusar arknaqapxäna, sábado urun ukham luratap layku.

Juan 5:18

Ukham arsutapat judionakax jiwayañpun munapxäna, janiw sábado uru p'akintatapatakti, jan ukasti, “Diosax Awkixawa” sas arsutapampix, Diosäkaspa ukham tukutap amuyapxäna.

Juan 5:45

Jan amuyapxamti; nayas Awkixan nayraqatapan juchañchapkirisma ukhama; khititix juchañchapktam ukax pachpa Moisesawa, jumanakax juparuw alkatasipxtaxa.

Juan 7:1

Uka qhipatsti, Jesusax Galilea tuqinakan sarnaqäna. Janiw Judeankañ munkänti ukan judionakan jiwayañ munapxatap layku.

Juan 7:25

Ukatsti Jerusalenankirinakat yaqhipanakaw jiskt'apxäna: —¿Janit akasti jiwayañatak thaqhapki uka jaqïkisti?

Hechos 7:38

Israel markax wasaran tantachaskän ukapachasti, Moisesaw ukankaskäna, Sinaí qullun Diosan angelapamp parläna. Jupaw jakañ arunak katuqäna, jiwasanakar yatiyañataki.

Gálatas 3:19

Ukhamasti, ¿kunatakirak kamachisti askïspasti? Abrahamar arsutap qhipatxa, Diosax kamachi arunak churistu, jan wali lurapkäyätansa uk jiwasanakar uñacht'ayañataki. Ukampis uka kamachix Diosan arsutap katuqkatayna uka Abrahaman saraqirip jutañapkamakiw askïnxa. Diosax angelanak tuqiw kamachinak Moisesar churäna, ukat jiwasanakar uka kamachinak churañapataki.

Gálatas 6:13

Janiw circuncisión katuqirinakasa kamachinakarjam phuqhapkiti. Ukampis jupanakax jumanakan circuncisión katuqañam munapxi, ukat janchin uka luräwi jumanakar lurayasin jach'achasipxañapataki.

Deuteronomio 1:17

kunapachatix jumanakax juchanakap uñjapxäta ukkhaxa, janiw jumanakax ajanu uñkatasaki taripapxätati, jan ukasti pist'añan sarnaqir jaqirusa, qamir jaqirusa khuskak uñjapxäta, jan khitir axsarasa, juchañchañasti Diosankiwa. Mä kunasa jumanakatak jan askichkayänixa, nayaruw yatiyanipxitäta, nayaw ukanak uñjä’ sasa.

Deuteronomio 33:4

Naya Moisesax Diosan kamachip churapxsma, ukasti jumanakatakix juk'amp munatawa.