Juan 3:11 - Qullan Arunaka DC Qhanak sisma, nanakax yatipkta ukat parlapxta, kuntix uñjapkta ukarak qhanañchapxta, ukampis jumanakax janiw iyawsapktati kuntix sapksma ukxa. Aymar Bibliia 1986 Khanacwa sisma, yatipcta ucatwa parlapjjta, uqhamarac cuntejj uñjapcta ucrac khanañchapjjta, ucampis janiw jumanacajj iyawsapctati cuntejj sapjjsma ucjja. Qullan Arunaca Khanacwa sisma, yatipcta ucatwa parlapjjta, uqhamarac cuntejj uñjapcta ucrac khanañchapjjta, ucampis janiw jumanacajj iyawsapctati cuntejj sapjjsma ucjja. |
¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.
Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!
Nayaw juparux markanakat arsuri uskta, markanakatak mä jilïr yatichirirak uskta.
Mä uru phuqhatarakiw amparax luqatatat jikxatasta, nayatak sayt'asir markar katuqxañataki, uka markasti jan wali thakhinjam sararaki, pachpa amtatanakapar arkasa.
“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.
“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!
“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”
Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.
Nayax janiw naya pachpat parlkti; jan ukasti nayar khithankitu uka Awkiw yatiyitu kuntix arsuñaxäki, yatichañaxäki uka.
Khititix jan munkitu ukax, arsutaxarux janiw phuqkiti. Kawkïr arunaktix jumanakax ist'asipkta ukax janiw nayan arunakaxäkiti, jan ukasti khithankitu uka Awkin arunakapawa.
Aka uraqin yänakapat parlapksma uktix jan iyawsapkätaxa, ¿kunjämarak alaxpach yänakat parlapxäma uk iyawsapxätasti?
Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.
Jesusasti juparux sänwa: —Qhanak sisma, maynitix wasitat jan yurkanixa, janiw Diosan qhapaq markap uñjkaspati —sasa.
Jesusasti juparux sarakïnwa: —Qhanak sisma, khititix umampita Ajayumpit jan yurkanixa, Diosan qhapaq markapar janiw mantkaspati.
Nayax Awkixan khithanitaw jutta, jumanakasti janiw katuqapkistati; ukampis maynitix jupa pachpat jutaspa ukarux katuqapxasmawa.
Jesusasti jupanakarux sänwa: —Yatichäwixax janiw nayankkiti, jan ukasti khithankitu ukankiwa.
Jesusasti jupanakarux sarakïnwa: —Naya pachpatsay parlaskä, arsutaxax chiqawa. Nayax yatistwa kawkit jutataxsa, kawkir sarataxsa; ukampis jumanakax janiw yatipktati kawkit jutataxsa, kawkir sarataxsa.
Ukampis jumanakan jan wali luratanakamat sañaxaw utjaskitu; khititix khithankitu ukax chiq arsu, nayasti kuntix jupat ist'kta ukarak akapachar sista.
Kuntix Awkixax uñacht'aykitu uk nayax yatiyta; jumanakasti kuntix Awkit ist'apkta uk lurapxarakim.
Ukapachaw Tatitur uñjta, nayarusti situwa: ‘Jank'ak Jerusalén markat sarxam, akankir jaqinakax kuntix nayxat parlktas uk janiw ist'apkätamti’ sasa.
Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.
Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,
“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa: