Juan 2:10 - Qullan Arunaka DC

juparusti sarakïnwa: —Taqi jaqiw nayraqatax sumïr vino luqtayi, umt'atäxapxi ukapachasti, jan suma vinöki uk luqtayxi. Ukampis jumax sumïr vino jichhakam imatätaxa —sasa.

Aymar Bibliia 1986

Ucatsti saraquïnwa: —Takeniw nayrakat suma vino sirviñ yatipjje, cunapachatejj jawsatanacajj vino umsjjapjje, ucjjaruw jan suma vinöc ucjja umapjje. Ucampis jumajj jichhacamaw suma vinjja imatätajja —sasa.

Qullan Arunaca

Ucatsti saraquïnwa: —Takeniw nayrakat suma vino sirviñ yatipjje, cunapachatejj jawsatanacajj vino umsjjapjje, ucjjaruw jan suma vinöc ucjja umapjje. Ucampis jumajj jichhacamaw suma vinjja imatätajja —sasa.

Juan 2:10 Jak'a apnaqawi uñst'ayäwi

Génesis 43:34

Joseasti jupan manq'apat jupanakar churäna, ukampis Benjaminarux mayninakat sipansa juk'amp jila churäna. Joseampi, jilanakapampisti chikaw umapxäna, wal kusisipxarakïna.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Mateo 24:49

ukat mayni uywat masinakapar t'aqhisiyaspa, ukatsti manq'añataki, umañataki machirinakampi chikachasispa ukaxa,

Lucas 12:45

Ukampis uka uywatatix utanin jayat purisinkañap amuyaspa, ukat uywat masinakarus nuwaraspa, chachäpasa warmïpasa, ukatsti manq'añaru, umañaru, machantañaru uchasispa,

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Hechos 2:15

Aka jaqinakax janiw machatäpkiti, kamisatix jumanakax amuyapkta ukhama, ukhamarusa, jichhaw llätunka willjta pachäski.

1 Corintios 11:21

Manq'asiñäki ukkhasti, sapa mayniw manq'ap nayraqat manq'asxi, ukchañkamasti mayninakax manq'at awtjatäskiwa, mayninakasti niyaw macharatäxapxi.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

1 Tesalonicenses 5:7

Ikirinakax arumaw ikipxi, machirinakasti arumaw machapxaraki;

Apocalipsis 17:2

Akapach reyinakax jupampiw chikachasipxi k'ari diosanakar yupaychañataki, uraqin utjirinakasti pachparak lurapxi” sasa.

Apocalipsis 17:6

Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.