Apocalipsis 17:6 - Qullan Arunaka DC

⁶ Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.

Aymar Bibliia 1986

⁶ Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Qullan Arunaca

⁶ Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Apocalipsis 17:6 Jak'a apnaqawi uñst'ayäwi

Daniel (hebreo) 7:21

Ukatsti, uka waxran Tatitun markapampi nuwasiskir uñjarakta, jupanakarusti atipjänwa,

Daniel (hebreo) 7:25

Alaxpachankir Diosarusti jisk'achjaniwa; markaparus tukjarakiniwa; Diosan kamachinakapsa, amtäwi uruyañanaksa mayjt'ayañ munarakini, Diosan markapasti jupan apnaqatarakïniwa, kimsa mara chikatankama.

Habacuc 1:13

Juman sinti q'umätamatsti, janiw jan wali lurañxa uñjkasmati, janirakiw ñanqha luräwinakarus, walikiw siskasmati; ¿kunjämarak jiwayirinakarus amuk uñch'uktasti? ¿Kunatarak amukïtasti jan wali jaqinakax jupanakat juk'ampi askïpki ukanakar tukjapki ukkhasti?

Juan 2:10

juparusti sarakïnwa: —Taqi jaqiw nayraqatax sumïr vino luqtayi, umt'atäxapxi ukapachasti, jan suma vinöki uk luqtayxi. Ukampis jumax sumïr vino jichhakam imatätaxa —sasa.

Hechos 22:20

Jumat qhanañchir Esteban luqtirimar jiwayapkän ukapachax, naya kipkaw ukan sayt'atäskäyäta, nayatakix jupar jiwayapxañapax walikïnwa, jupar jiwayir jaqinakan isinakapsa nayaw uñjaskarakïyäta’ sasa.

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 13:15

Aka payïr jach'a axsarkañ animalasti munañanïñ kankañ katuqäna, nayrïr jach'a axsarkañ animalar uñtasit lursutar jakañ churañapataki, ukhamat ukan parlañapataki, uka lursutar jan yupaychirinakarusti jiwarayañapataki.

Apocalipsis 13:7

Ukatsti Diosan wawanakapampi nuwasiñatakis munañanïñ kankañax churatarakïnwa jupanakar atipjañkama; ukhamarus kunayman jaqinakaru, markanakaru, kunayman parlani jaqinakar apnaqañataki.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.